Qarjy naryǵyn retteý jáne damytý agenttigi men Qarjylyq monıtorıng agenttigi ekinshi deńgeıli bankter úshin jańa talaptar bekitti. Bul talaptar alaıaqtyqty azaıtýdy jáne qarjylyq operasııalarǵa baqylaýdy kúsheıtýdi kózdeıdi, dep habarlaıdy Egemen.kz.
Jańa erejeler sheńberinde bankter men aqsha aýdarymdaryna baqylaý kúsheıtiledi. Kúmándi operasııalardyń aldyn alý úshin jekelegen klıentter sanattary qosymsha tekserýden ótetin bolady.
«Eger bir adamnyń bir bankte 5-ten astam bank kartasy nemese ártúrli bankterde jalpy sany 10-nan astam kartasy bolsa, ol avtomatty túrde táýekeli joǵary klıentter sanatyna jatqyzylady. Mundaı jaǵdaılarda bank klıentten qarajattyń shyǵý kózin rastaýdy talap etýi múmkin, al qajet bolǵan jaǵdaıda shottardy ýaqytsha buǵattaýǵa quqyly bolady», delingen habarlamada.
Islam bankiniń ekinshi deńgeıli bankterden aıyrmashylyǵy nede?
14 pen 25 jas aralyǵyndaǵy jastarǵa erekshe nazar aýdarylady, óıtkeni olardyń bank kartalaryn alaıaqtar jıi paıdalanady.
Ulttyq bank elektrondy aqshaǵa qatysty ózgeris engizdi
Sondaı-aq zańsyz onlaın-kazınolar men sheteldik býkmekerlik saıttarǵa aqsha aýdarýǵa tyıym salynady.
21 jasqa tolmaǵan azamattarǵa býkmekerlik keńselerde bás tigýge tyıym salynady.
«7 mıllıon teńgeden asatyn aqsha aýdarymdary mindetti túrde tekseriledi jáne qarajattyń zańdy shyǵý tegin rastaıtyn qujattar talap etiledi», delingen habarlamada.
Krıptovalıýtamen operasııalar tek resmı lısenzııasy bar platformalar arqyly júzege asyrylýǵa tıis.
Eske salaıyq, eldegi ekinshi deńgeıli bankter 2025 jyldyń qańtar-shilde aralyǵynda 1,6 trln teńge paıda tapqan.