Qasym-Jomart Toqaev pen Kıpr Respýblıkasynyń Prezıdenti Nıkos Hrıstodýlıdıstiń kelissózi keńeıtilgen quramda jalǵasty, dep habarlaıdy Egemen.kz.
Memleket basshysy dıplomatııalyq qarym-qatynastar ornaǵan sátten beri elimizge alǵash ret tarıhı saparmen kelgenin atap ótti.
«Biz jańa ǵana shaǵyn quramda mazmundy kelissóz júrgizip, ekijaqty yntymaqtastyqty odan ári damytýǵa beıil ekenimizdi rastadyq. Qazaqstan ózara tıimdi kelisimderdi bekitýge daıyn. О́ıtkeni elderimiz arasynda qalyptasqan dostyqty qurmet tutamyz. Saparyńyzdyń Kıpr Eýropa Odaǵy Keńesine tóraǵalyq etip jatqan kezeńde ótýi sımvoldyq mánge ıe. Osy oraıda Sizdiń jetekshiligińizdi joǵary baǵalaımyz ári mańyzdy mıssııany tabysty aıaqtaýyńyzǵa tilektespiz. Sizdiń kúsh-jigerińizdiń arqasynda Kıprdiń halyqaralyq arenadaǵy bedeli aıtarlyqtaı arta tústi. Biz Kıprmen san qyrly seriktestikti damytýǵa múddelimiz. Eki el arasyndaǵy qarym-qatynas saıası deńgeıdegi turaqty baılanystar jáne dıplomatııalyq vedomstvolar jelisi arqyly senimdi túrde ilgerilep keledi. Astana men Nıkosııa qalalarynda elshilikterimizdiń ashylýy júıeli ári naqty yqpaldastyqtyń berik ınstıtýsıonaldyq negizin qalaıdy. Sizdiń Larnaka – Astana baǵytyndaǵy alǵashqy áýe reısimen ushyp kelýińizdiń sımvolıkalyq sıpaty aıryqsha. О́ıtkeni bul eki eldi jalǵaıtyn tikeleı áýe qatynasynyń iske qosylǵanyn kórsetedi. Qazirgi saýda kólemi ekonomıkalarymyzdyń naqty áleýetine tolyq saı emes ekenin túsinemiz. Sondyqtan ortaq maqsatymyz – saıası erik-jigerimizdi naqty ekonomıkalyq nátıjege aınaldyrý», dedi Qazaqstan Prezıdenti.
Qazaqstan jáne Kıpr prezıdentteri shaǵyn quramda kelissóz júrgizdi
Qasym-Jomart Toqaev Nıkos Hrıstodýlıdıspen birge aýqymdy bıznes delegasııa kelgenine toqtaldy. Bul kıprlik kompanııalardyń elimizge qyzyǵýshylyǵy artyp kele jatqanyn baıqatady. Osy oraıda sıfrlandyrý men jasandy ıntellekt, logıstıka, qarjy, týrızm jáne bilim berý salalaryndaǵy kooperasııany keńeıtýge basa mán berý qajet ekeni aıtyldy. Qasym-Jomart Toqaevtyń pikirinshe, búgingi bıznes-forým men Saýda palatalary arasyndaǵy ózara túsinistik týraly memorandýmǵa qol qoıý iskerlik toptardyń tikeleı dıalogyn jolǵa qoıýǵa septigin tıgizedi.
«Qazaqstan kıprlik kompanııalardyń ınvestısııa quıý jáne elimizde kásip ashý nıetin quptaıdy. El saıasatynyń negizgi basymdyqtarynyń biri – bıznes pen ınvestorlarǵa qolaıly jaǵdaı jasaý. Kıpr kompanııalary ınvestısııalyq jobalardy júzege asyrýda Úkimetimizdiń naqty qoldaýyna arqa súıeı alady. Budan bólek, parlamentaralyq baılanystar elderimizdiń yntymaqtastyǵyna ornyqty saıası-quqyqtyq negiz qalaıdy», dedi Prezıdent.
Nıkos Hrıstodýlıdıs Astanaǵa sapary ekijaqty qarym-qatynasty damytýdyń mańyzdy kezeńi sanalatynyn jetkizdi.
«Biz Ortalyq Azııa men Qazaqstannyń álemde geosaıası turǵydan mańyzdy ról atqaratynyn bilemiz. Qazaqstan Eýropa Odaǵynyń strategııalyq seriktesi sanalady. Kıpr – Eýropa Odaǵyna múshe memleket retinde qazaqstandyq ınvestorlar men kompanııalar úshin eýropalyq naryqqa shyǵatyn senimdi qaqpa. Biz Eýropa Odaǵy standarttaryna tolyǵymen saı keletin naqty iskerlik ortany usynamyz. Aqparattyq-kommýnıkasııalyq tehnologııalar, fınteh, ınvestısııalyq qorlar, keme qatynasy, týrızm, bilim berý, jańartylatyn energııa jáne ınfraqurylym ekijaqty yntymaqtastyqtyń negizgi baǵyttaryna aınala alady. Búgin «Astana» halyqaralyq qarjy ortalyǵyna barýdy josparlap otyrmyn. Atalǵan ortalyqpen áriptestikti, ásirese qarjy qyzmetteri men «jasyl» qarjylandyrý salalaryndaǵy yntymaqtastyqty keńeıtýde zor áleýet bar», dedi Kıpr Prezıdenti.Memleket basshysy nátıjeli ekonomıkalyq kún tártibine qol jetkizý úshin úkimetter kúshin úılestirý mańyzdy dep sanaıdy.
Osy oraıda Qasym-Jomart Toqaev Ekonomıkalyq yntymaqtastyqtyń 2028 jylǵa deıingi jol kartasyn ázirleýdi usyndy. Prezıdent Ekonomıkalyq yntymaqtastyq jónindegi úkimetaralyq komıssııa men Iskerlik keńes qurý, sondaı-aq saýda delegasııalarymen turaqty almasý jóninde bastama kóterdi.
Taraptar saýda, ınvestısııa, kólik-logıstıka, sıfrlyq kommýnıkasııa, jasandy ıntellekt jáne qarjy salalaryndaǵy yqpaldastyqty nyǵaıtý perspektıvasyn talqylady.
Sonymen qatar mádenıet, bilim, sport jáne týrızm baǵyttaryndaǵy baılanysty keńeıtý múmkindigine nazar aýdardy.
Eske sala keteıik, búgin Kıpr Respýblıkasynyń Prezıdenti Nıkos Hrıstodýlıdıs elimizge resmı jumys saparymen keldi. Prezıdent mártebeli meımandy Táýelsizdik saraıynda resmı qarsy aldy. Eki el prezıdentteri shaǵyn quramda kelissóz júrgizdi.