AQSh pen Meksıka shekarasynda uzyndyǵy shamamen 600 metr bolatyn jasyryn týnnel anyqtaldy. Tergeý barysynda tórt adam ustalyp, quny 45 mıllıon dollardan asatyn bir tonnadan astam kokaın tárkilendi, dep habarlaıdy Egemen.kz.
AQSh quqyq qorǵaý organdary birneshe aıǵa sozylǵan arnaıy operasııa nátıjesinde San-Dıego qalasynyń Otaı-Mesa aýdany men Meksıkanyń Tıhýana qalasyn jalǵaǵan jerasty týnnelin anyqtady.
Tergeý málimetinshe, týnneldiń uzyndyǵy shamamen 600 metrdi quraıdy jáne ol esirtki zattaryn zańsyz tasymaldaý úshin paıdalanylǵan bolýy múmkin.
Shetelden esirtki tasymaldaǵan áıel bas bostandyǵynan aıyryldy
Arnaıy operasııa barysynda tórt kúdikti qolǵa tústi. Sonymen qatar quqyq qorǵaýshylar bir tonnadan astam kokaın tárkilegen. Sarapshylardyń baǵalaýynsha, onyń qara naryqtaǵy quny 45 mıllıon dollardan asady.
Kúdiktilerge esirtki kontrabandasy jáne zańsyz transshekaralyq týnneldi paıdalaný baptary boıynsha aıyp taǵyldy. Eger olardyń kinási dáleldense, ómir boıyna bas bostandyǵynan aıyrylýy múmkin.
Almaty oblysynda esirtki zerthanasy joıyldy
AQSh bıligi bul operasııany óńirdegi esirtki tasymalyna qarsy kúrestegi mańyzdy jetistikterdiń biri dep baǵalap otyr.