Astananyń Almaty aýdanynda ornalasqan kópqabatty turǵyn úılerdiń birinde órt shyqty. Qutqarýshylar oqıǵa ornyna jedel jetip, tilsiz jaýdyń basqa páterlerge taralýyna jol bermedi, dep habarlaıdy Egemen.kz.
Astana qalasynyń Almaty aýdanyndaǵy Aınakól kóshesinde ornalasqan kópqabatty turǵyn úıdiń bir páterinde órt boldy. Aldyn ala málimet boıynsha, jalyn balkon men bólmeni sharpyǵan.
Oqıǵa týraly habar túskennen keıin Tótenshe jaǵdaılar mınıstrliginiń bólimsheleri dereý jetip, órtti qysqa ýaqyt ishinde oqshaýlap, tolyq sóndirdi.
О́rttiń jalpy aýmaǵy 15 sharshy metrdi qurady. Qutqarýshylardyń jedel áreketiniń arqasynda jalyn kórshiles páterler men basqa da bólmelerge taraǵan joq.
Semeıde sharýashylyq taýarlary saqtalǵan qoıma órtendi
Zardap shekkender týraly aqparat tirkelmegen. Qazirgi ýaqytta órttiń shyǵý sebebi anyqtalyp jatyr.
Tótenshe jaǵdaılar qyzmeti turǵyndardy órt qaýipsizdigi talaptaryn qatań saqtaýǵa, elektr qurylǵylary men turmystyq tehnıkalardy qaraýsyz qaldyrmaýǵa shaqyrdy.