Elordada 7 maýsym kúni mereıtoılyq Astana Half Marathon jarysy ótýine baılanysty birqatar kóshede kólik qozǵalysyna ýaqytsha shekteý engiziledi, dep habarlaıdy Egemen.kz.
Halyqaralyq marafonǵa álemniń 30-dan astam elinen shamamen 7 myń jelaıaq qatysady.
«Osyǵan oraı 6-7 maýsym aralyǵynda Táýelsizdik dańǵylynyń J.Nájimedenov kóshesinen A.Baıtursynuly kóshesine deıingi bóliginde qozǵalys ishinara shekteledi», delingen Astana ákimdiginiń habarlamasynda.
Jarys ótetin 7 maýsym kúni tómendegi birqatar kóshede qozǵalys toqtatylady:
Saraıshyq kóshesi (R.Qoshqarbaev dańǵylynan Aqmeshit kóshesine deıin) – saǵat 06:00-den 07:30-ǵa deıin; D.Qonaev kóshesi (Aqmeshit kóshesinen «Qazaq radıosy» kóshesine deıin) – saǵat 06:10-nan 06:50-ge deıin; «Qazaq radıosy» kóshesi (D.Qonaev kóshesinen Dostyq kóshesine deıin) – saǵat 06:10-nan 06:50-ge deıin; Dostyq kóshesi («Qazaq radıosy» kóshesinen Aqmeshit kóshesine deıin) – saǵat 06:10-nan 06:50-ge deıin; Aqmeshit kóshesi (Saraıshyq kóshesinen Kereı, Jánibek handar kóshesine deıin) – saǵat 06:10-nan 08:10-ǵa deıin; Aqmeshit kóshesi (Buqar jyraý kóshesinen Túrkistan kóshesine deıin, EXPO halyqaralyq kórme ortalyǵy mańynda) – saǵat 06:30-dan 07:25-ke deıin; Túrkistan kóshesi (Aqmeshit kóshesinen Kereı, Jánibek handar kóshesine deıin) – saǵat 06:35-ten 08:15-ke deıin; Túrkistan kóshesi (Kereı, Jánibek handar kóshesinen Syǵanaq kóshesine deıin) – saǵat 06:45-ten 08:20-ǵa deıin; Syǵanaq kóshesi (Túrkistan kóshesinen I.Panfılov kóshesine deıin) – saǵat 06:48-den 08:40-qa deıin; I.Panfılov kóshesi (Sh.Qaldaıaqov kóshesinen Táýelsizdik dańǵylyna deıin) – saǵat 07:00-den 08:45-ke deıin; J.Nájimedenov kóshesi (Sh.Qaldaıaqov kóshesinen Táýelsizdik dańǵylyna deıin) – saǵat 07:14-ten 08:45-ke deıin; Táýelsizdik dańǵyly (I.Panfılov kóshesinen J.Nájimedenov kóshesine deıin) – saǵat 07:00-den 08:55-ke deıin.Ákimdik turǵyndar men qala qonaqtaryn jol júrý baǵytyn aldyn ala josparlap, ýaqytsha shekteýlerdi eskerýge shaqyrdy.
Astananyń eki kóshesinde ýaqytsha kólik qozǵalysy shekteledi
Eske sala keteıik, buǵan deıin 25-29 mamyr aralyǵynda elordanyń keıbir kóshelerinde kólik qozǵalysy ýaqytsha shektelgen bolatyn.