Bir aptadan keıin fýtboldan álem chempıonaty jalaýyn kóteredi. Dop dodasy ataq-dańq úshin ǵana emes, sonymen qatar orasan zor tabys tabý úshin de mańyzdy. О́tken maýsymda eń kóp tabys tapqan fýtbolshylar tizimine zer salsaq, dep habarlaıdy Egemen.kz
Fýtboldan álem chempıonaty-2026: Oıyndardyń tolyq kestesi men ýaqyty belgili boldy
Krıshtıaný Ronaldý – 295 mıllıon dollar
(alańda 230 mln, alańnan tys 65 mln)
Portýgalııalyq juldyz Saýd Arabııasynyń «Ál-Nasr» klýbynda oınaý arqyly úlken tabys taýyp keledi. Sonymen qatar ol bıznes salasyn da belsendi damytyp otyr. Aqpan aıynan beri ol brazılııalyq LiveModeTV strımıng servısiniń, Ispanııanyń ekinshi dıvızıonyndaǵy «Almerııa» klýbynyń jáne tanymal taǵam qospalary óndirýshisi Herbalife kompanııasynyń enshiles bóliminiń úlesterin satyp alǵan.
2. Lıonel Messı – 140 mıllıon dollar
(70 mln alańda, 70 mln alańnan tys)
Messı mansabyn aıaqtaǵannan keıin «Inter Maıamı» klýbynyń úlesine ıe bolatyny aıtylǵanymen, ol qazirdiń ózinde óz fýtbol aktıvterin damyta bastaǵan. Mamyr aıynda ol Barselonaǵa jaqyn ornalasqan Ispanııanyń besinshi dıvızıonyndaǵy «Kornelıa» klýbyn satyp alǵan. Sonymen qatar onyń otbasy Argentınadaǵy tómengi dıvızıonda oınaıtyn «Leones de Rosarıo» klýbyn basqarady.
3. Kılıan Mbappe – 100 mıllıon dollar
(70 mln alańda, 30 mln alańnan tys)
Mbappe álemdik sporttaǵy eń suranysqa ıe juldyzdardyń biri bolyp otyr. Onyń seriktesteri qatarynda Oakley, Hublot jáne Fairmont Hotels sııaqty iri brendter bar. Bul oǵan tek klýbtyq tabysqa táýeldi bolmaýǵa múmkindik beredi.
4. Erlıng Holand – 80 mıllıon dollar
(60 mln alańda, 20 mln alańnan tys)
Holand shahmat ındýstrııasyna ınvestısııa salýda. Ol Chess Mates kompanııasyn quryp, Total Chess World Championship Tour týrnırler serııasyn basqaratyn kompanııanyń úlesine ıe. Sonymen qatar norvegııalyq shabýylshynyń fermerlikke qyzyǵýshylyǵy bar. Biraq bul baǵyttan tabys tappaıdy eken.
5. Vınısıýs Jýnıor – 60 mıllıon dollar
(40 mln alańda, 20 mln alańnan tys)
Vınısıýs Jýnıor da iri demeýshiler az emes. Onyń seriktesteri arasynda Nike, Pepsi, Unilever jáne Visa bar. Jalpy tabysy ony Forbes nusqasy boıynsha eń baı fýtbolshylardyń alǵashqy ondyǵynyń qatarynda ustap tur.