World Boxing uıymy áýesqoı boksshylardyń jańartylǵan álemdik reıtıngin jarııalady. Jańa tizimde qazaq bylǵary qolǵap sheberleri birneshe salmaq dárejesinde kóshbasshylyq ornyn saqtap qaldy, dep habarlaıdy Egemen.kz
Qazaqstan quramasy álemdik áýesqoı bokstaǵy joǵary deńgeıin taǵy bir márte dáleldedi. Qazirgi tańda birden bes sportshy óz salmaq dárejesinde álem reıtınginiń kóshin bastap tur.
Jańartylǵan reıtıngte Sanjar Táshkenbaı (50 kelige deıin), Mahmud Sabyrhan (55 kelige deıin), Tórehan Sabyrhan (70 kelige deıin), Aıbek Oralbaı (90 keliden joǵary) jáne Natalıa Bogdanova (70 kelige deıin) birinshi orynǵa jaıǵasty.
Sonymen qatar taǵy birneshe boksshymyz álem reıtınginde ekinshi orynǵa kóterildi. Olardyń qatarynda Nazym Qyzaıbaı (48 kelige deıin), Aıda Ábikeeva (65 kelige deıin) jáne Nurbek Oralbaı (80 kelige deıin) bar.
Álemniń úzdik boksshylary qataryna Alýa Balqybaeva (51 kelige deıin), Nadejda Rıabes (80 kelige deıin), Dına Islambekova (80 keliden joǵary), Orazbek Asylqulov (60 kelige deıin), Sabyrjan Aqqalyqov (75 kelige deıin) jáne Nurbek Oralbaı (85 kelige deıin) endi.
Qazirgi tańda Qazaqstan quramasy oqý-jattyǵý jıynyn ótkizip jatyr. Kelesi iri jarys Qytaıdyń Gýııan qalasynda ótetin álem kýbogynyń kezeńi bolmaq. Týrnır 15-21 maýsym aralyǵynda bolady.