Astana mańyndaǵy Jibek joly aýylynda tórt adamnyń qazasyna qatysty qylmystyq is boıynsha tergeý aıaqtaldy. Bul týraly Ishki ister vıse-mınıstri Sanjar Ádilov málimdedi, dep habarlaıdy Egemen.kz.
Onyń aıtýynsha, qylmystyq is boıynsha tergeý amaldary tolyq aıaqtalǵan, qazirgi ýaqytta taraptar materıaldarmen tanysyp jatyr.
«Qazirgi ýaqytta taraptar qylmystyq is materıaldarymen tanysyp jatyr. Bul prosess aıaqtalǵannan keıin is sotqa jiberiledi», dedi vıse-mınıstr.
Qaıǵyly oqıǵa 2 naýryz kúni Aqmola oblysyndaǵy Jibek joly aýylynda, Astanadan shamamen 25 shaqyrym jerde bolǵan. Tergeý málimetinshe, Astana mańyndaǵy aýylda 42 jastaǵy er adam óziniń ata-anasyn, múgedektigi bar aǵasyn jáne 18 jastaǵy qaryndasyn óltirgen.
Aıta keteıik, kúdikti buǵan deıin de sotty bolǵan. Sondaı-aq onyń psıhıkalyq esepte turǵan anyqtaldy.