Astanada kún saıyn shamamen 1500 quqyqbuzýshylyq tirkeledi. Bul týraly Parlament Palatalarynyń birlesken otyrysynda Astana qalasy ákiminiń orynbasary Ersin О́tebaev málimdedi, dep habarlaıdy Egemen.kz.
Jıynda Senat depýtaty Lázzat Rysbekova Astana qalasy ákiminiń orynbasary Ersin О́tebaevtan elordadaǵy jol qozǵalysy qaýipsizdigi qalaı rettelip jatqandyǵyn surady.
«О́tken jyly «Qazaqstan Respýblıkasynyń astanany jáne respýblıkalyq mańyzy bar qalalardy damytý máseleleri boıynsha keıbir zańnamalyq aktilerge ózgerister men tolyqtyrýlar engizý týraly» zańdy iske asyrý maqsatynda Jol qozǵalysyn uıymdastyrý ortalyǵy quryldy. Onyń negizgi fýnksııalary – parkıngter men turaqtardy paıdalaný monıtorıngi, baǵdarshamdardy basqarý, kólik aǵyndaryn retteý jáne kólik ınfraqurylymy obektilerin baqylaý. Bul sharalar Astana qalasyndaǵy jol qozǵalysy qaýipsizdigi deńgeıine qalaı áser etti jáne ortalyq bir jyl ishinde qandaı oń nátıjelerge qol jetkizdi?», dedi senator.
Aqtaýda polısııa kóligi bir jarym jasar balany qaǵyp ketti
Ersin О́tebaevtyń aıtýynsha, ortalyq jol qaýipsizdigin arttyrý, kóshe-jol jelisiniń ótkizý qabiletin jaqsartý jáne ekologııalyq júktemeni azaıtý maqsatynda qurylǵan.
«Qazirgi ýaqytta kompanııa 12 monıtorıngtik keshenmen jabdyqtalǵan jáne qaladaǵy kólik qozǵalysyn turaqty baqylaýda ustaıdy. Pılottyq rejımde táýligine shamamen 1500 quqyqbuzýshylyq tirkeledi», dedi E.О́tebaev.
Aıta keteıik, sońǵy aptada elimizde jol-kólik oqıǵasy aıtarlyqtaı kóbeıgen. Kúni keshe Almaty oblysyndaǵy kólik tizgindegen jasóspirim 12 jastaǵy balany qaǵyp ketkenin jazǵan edik.