Almaty oblysynda «Taza Qazaqstan» baǵdarlamasy aıasynda qatty turmystyq qaldyqtardy qaıta óńdeý salasynda jalpy quny 148,8 mlrd teńgeni quraıtyn 8 iri ınvestısııalyq jobany iske asyrý josparlanǵan. Bul týraly О́ńirlik kommýnıkasııalar qyzmeti alańynda ótken baspasóz máslıhatynda Almaty oblysynyń turǵyn úı-kommýnaldyq sharýashylyq jáne abattandyrý basqarmasynyń basshysy Dımash Qojabekov málimdedi, dep habarlaıdy Egemen.kz.
О́ńirde sanıtarlyq tazalaý jáne stıhııalyq qoqys úıindilerin joıýmen qatar, jeke ınvestısııalardy tarta otyryp, qaldyqtardy qaıta óńdeýdiń zamanaýı tolyqqandy júıesin qalyptastyrýǵa basymdyq berilip otyr. Josparlanǵan jobalar qatarynda elektr energııasyn óndiretin qoqys jaǵý zaýytynyń qurylysy, taǵam qaldyqtaryn óńdeý keshenin iske qosý, qoqysty suryptaý kesheni men bıoelektr stansııasyn salý kózdelgen. Sondaı-aq bul jobalar júzege asqanda 300-den astam jańa jumys oryndary ashylady.
Mańǵystaýda qatty turmystyq qaldyqtardy qabyldaıtyn polıgondar jetispeıdi
Sonymen qatar óńirde qaıtalama shıkizatty qaıta óńdeýmen aınalysatyn birqatar kásiporyn jumys istep tur. Qazirgi tańda Almaty oblysynda plastık, makýlatýra, shyny jáne tozǵan avtodóńgelekterdi suryptap, qaıta óńdeıtin 6 iri jáne birneshe shaǵyn kásiporyn bar. Olar jyl saıyn 184 myń tonnadan astam qaldyqty suryptap, qaıta óńdeıdi.
Buǵan deıin Qaraǵandy oblysynda 74 túrli dárilik zat shyǵaratyn farmasevtıkalyq zaýyt salynatynyn habarlaǵan edik.