Búgin Almatyda avtobýs parkterine qoǵamdyq kólikke qoıylatyn ekologııalyq talaptar túsindirildi, dep habarlaıdy Egemen.kz.
Qalalyq Ekologııa jáne qorshaǵan orta basqarmasynyń mamandary men «Eco Almaty» ókilderi tasymaldaýshylarǵa shyǵaryndylardy baqylaý qaǵıdalary, mindetti tehnıkalyq tekserý jáne tómen shyǵaryndylar aımaqtaryn (LEZ) kezeń-kezeńimen engizý týraly aıtty.
Elordada birqatar avtobýs baǵytynyń qozǵalys syzbasy ýaqytsha ózgerdi
Búginde qalada 26 avtobýs parki jumys isteıdi, al kún saıyn baǵyttarǵa shamamen 3,2 myń avtobýs qatynaıdy. Negizgi talaptardyń biri – katalızatorlardyń bolýy jáne ekologııalyq taza kólikke kezeń-kezeńimen kóshý.
Eske salsaq, 2024 jyldan bastap Almatyda dızeldi avtobýstardy satyp alýǵa tyıym salynǵan. 2026 jyly jeke tasymaldaýshylar 500 gazben júretin avtobýs pen elektrobýs satyp alýdy josparlap otyr. Almatydaǵy atmosferalyq aýany qorǵaý qaǵıdalarynyń negizgi talaptary 2027 jyldyń qańtarynan bastap kúshine enedi.
Astanada birneshe avtobýs aıaldamasy ýaqytsha jabyldy