Elordada balalardyń jol-kólik oqıǵalarynan zardap shegý kórsetkishi kúrt ósken. Astana qalasy Polısııa departamentiniń málimetinshe, jyl basynan beri kámeletke tolmaǵandardyń qatysýymen 311 jol-kólik oqıǵasy tirkelgen. Bul ótken jylmen salystyrǵanda 36,4%-ǵa kóp. Apat saldarynan 412 bala jaraqat alyp, eki bala kóz jumǵan, dep habarlaıdy Egemen.kz
Quqyq qorǵaý organdaryn ásirese jas velosıpedshilerdiń qatysýymen bolatyn jol apattarynyń kóbeıýi alańdatyp otyr. Bıyl mundaı 52 oqıǵa tirkelip, kórsetkish 20,9%-ǵa ósken. Sonyń saldarynan bir bala qaza tapqan. Polısııa jaqynda qala kóshelerinde bolǵan jasóspirim velosıpedshilerdi qaǵyp ketý derekterin mysalǵa keltirdi.
Astanada júk kóligi qaqqan bala oqıǵa ornynda kóz jumdy
Vedomstvo ókilderiniń aıtýynsha, qaıǵyly oqıǵalardyń negizgi sebepteri – balalardyń jol qozǵalysy erejelerin jetkilikti bilmeýi, ata-analardyń salǵyrttyǵy, joldy belgilenbegen jerden kesip ótýi jáne velosıpedten túspeı jaıaý júrginshiler ótkelinen ótýi.
Tártip buzýshylyqtardyń aldyn alý maqsatynda polısııa ákimshilik baqylaýdy kúsheıtken. Jyl basynan beri 16 jastan asqan 70-ten astam jasóspirim ákimshilik jaýapkershilikke tartyldy.