«Qaırat» fýtbol klýbynyń túlegi, ulttyq qurama shabýylshysy Dastan Sátpaev klýb sapynda sońǵy oıyndaryn ótkizedi. Ol londondyq «Chelsı» komandasyna aýysar aldynda «Atyraý» men «Qyzyljarǵa» qarsy matchtarǵa qatysady, dep habarlaıdy Egemen.kz.
Qaırat klýby óz alańynda «Atyraý» komandasymen 13 maýsym kúni saǵat 18:00-de, al «Qyzyljarmen»17 maýsym kúni saǵat 19:00-de kezdesedi. Klýbtyń málimetinshe, 17 maýsymdaǵy matchtan keıin Almatynyń Ortalyq stadıonynda Dastan Sátpaevqa arnalǵan qoshtasý rásimi ótedi.
«On jyl buryn Dastan «Qaırat» Akademııasyna armanymen, ózine degen senimmen, fýtbolǵa degen súıispenshiligimen kelgen edi. Osy ýaqyt ishinde ol negizgi komandanyń kóshbasshylarynyń birine, klýb rekordsmenine, qazirgi quramnyń eń nátıjeli oıynshysyna, jankúıerlerdiń súıiktisine aınaldy. Endi onyń sary-qaralar sapyndaǵy joly óz máresine jaqyndady», delingen klýb habarlamasynda.
Dastan Sátpaevtyń jeıdesi Býdapeshttegi arnaıy kórmege qoıyldy
Eske sala keteıik, aldaǵy maýsymda Dastan Sátpaev óz mansabyn londondyq «Chelsı» sapynda jalǵastyrady. Jańa maýsymda Chelsı klýbyn Habı Alonso baptaıdy.