Qarjy naryǵyn retteý jáne damytý agenttiginiń basqarmasy «Qaryzdar jáne mıkrokredıtter boıynsha jyldyq tıimdi syıaqy mólsherlemesiniń shekti mólsherlerin aıqyndaý týraly» Ulttyq bank basqarmasymen Birlesken qaýly jobasyn ázirledi, dep habarlaıdy& Egemen.kz.
Joba normatıvtik quqyqtyq bazany jetildirý maqsatynda ázirlendi jáne normatıvtik quqyqtyq aktilerdiń kelisilýin qamtamasyz etýge jáne talaptardyń qaıtalanýyn bolǵyzbaýǵa baǵyttalǵan.
Qarjy naryǵyn retteý jáne damytý agenttiginiń baspasóz qyzmetininń málimdeýinshe, negizgi ózgeris 2027 jylǵy 1 qańtardan bastap ıpotekalyq turǵyn úı qaryzdary boıynsha jyldyq tıimdi syıaqy mólsherlemesiniń (JTSM) shekti mólsherin belgileýge qaryz mólsheriniń kepil nysanasynyń qunyna qatynasy koeffısıentine (Loan-to-Value, LTV) baılanysty saralanǵan tásildi engizý.
LTV ındıkatory ıpotekalyq qaryz somasynyń kepilmen qamtamasyz etý qunyna qatynasyn kórsetedi jáne ıpotekalyq kredıt berýdegi kredıttik táýekeldiń negizgi kórsetkishteriniń biri.
4 maýsymnan bastap ıpoteka qymbattaıdy: «Otbasy bank» qandaı ózgeris engizdi?
Budan basqa, LTV kórsetkishi satyp alynatyn turǵyn úı qunyndaǵy qaryz qarajatynyń úlesin kórsetedi jáne qaryz alýshynyń bastapqy jarnasynyń mólsherine baılanysty bolady. Bastapqy jarna neǵurlym joǵary bolsa, LTV máni, qaryz qarajatynyń úlesi jáne ıpotekalyq turǵyn úı qaryzy boıynsha kredıttik táýekel deńgeıi soǵurlym tómen bolady.
«Osyǵan baılanysty jobada ıpotekalyq turǵyn úı qaryzdary boıynsha JETSM shekti mólsherin tómendegideı belgileý kózdeledi: LTV máni qosa alǵanda 0,7-ge 20%-ǵa deıin; LTV máni 0,7-den joǵary bolǵan kezde 25%-ǵa deıin.
Osylaısha, bastapqy jarnasy onyń qunynyń keminde 30%-y bolatyn turǵyn úı satyp alatyn qaryz alýshylar ıpotekalyq turǵyn úı qaryzdaryn neǵurlym tómen quny boıynsha ala alady», delingen habarlamada.
Jańa ıpotekalyq joba arqyly aıaqtalmaǵan úılerden páter alýǵa bolady
Usynylǵan tetik qaryz alýshylardyń bastapqy jarnany qalyptastyrýyn yntalandyrýǵa, ıpotekalyq naryqty retteýdiń táýekelge baǵdarlanýyn arttyrýǵa, ıpotekalyq turǵyn úı qaryzdary boıynsha neǵurlym ádil baǵa belgileýdi qamtamasyz etýge jáne bank sektorynyń ornyqtylyǵyn qoldaýǵa baǵyttalǵan.
Bul rette 2026 jylǵy 1 shildeden bastap 2027 jylǵy 1 qańtarǵa deıingi kezeńde ıpotekalyq turǵyn úı qaryzdary boıynsha JSTM-niń shekti mólsheri qoldanystaǵy deńgeıde – 25% bolyp saqtalady.