Memleket basshysy Qasym-Jomart Toqaev Qazaqstanda zań ústemdigine negizdelgen Ádiletti Qazaqstandy qurý baǵytyndaǵy reformalar jalǵasyp jatqanyn aıtty, dep habarlaıdy Egemen.kz.
Prezıdenttiń aıtýynsha, elimizde sot júıesiniń táýelsizdigin qamtamasyz etýge erekshe kóńil bólinip keledi.
«Biz Zań men tártipke baǵynatyn, barshaǵa birdeı múmkindik beretin Ádiletti Qazaqstandy qurý úshin aýqymdy jumys atqaryp jatyrmyz. Sondyqtan sot júıesiniń táýelsizdigin qamtamasyz etýge basa mán berip otyrmyz. Birinshi shildede elimizdiń jańa Konstıtýsııasy kúshine enedi. Osylaısha, Qazaqstan óz damýynyń sheshýshi kezeńine qadam basady. Men búgin bes konstıtýsııalyq zańǵa qol qoıdym. Bul – jańa Konstıtýsııaǵa sáıkes memlekettik basqarý júıesi «Kúshti Prezıdent – yqpaldy Quryltaı – esep beretin Úkimet» tujyrymdamasy negizinde túbegeıli jańǵyrady degen sóz», dedi Qasym-Jomart Toqaev.
Jańa Konstıtýsııanyń kúshine enýine 26 kún qaldy
Memleket basshysy júrgizilip jatqan quqyqtyq reformalar eldegi áleýmettik-ekonomıkalyq ózgeristerge de jańa serpin beretinin aıtty.
«Osy quqyqtyq reformalar elimizde jasalyp jatqan áleýmettik-ekonomıkalyq ózgeristerge de tyń serpin bermek. Sóz sońynda Ákimshilik rásimdik-prosestik kodeksti ázirleýge jáne onyń normalaryn júzege asyrýǵa atsalysqan barsha azamatqa shynaıy rızashylyǵymdy bildiremin. Búgingi basqosýda ákimshilik ádilet ınstıtýtyn nyǵaıtýǵa qatysty mańyzdy oılar men utymdy usynystar aıtylady dep senemin», dedi Prezıdent.
Eske sala keteıik, búgin Memleket basshysy jańa Konstıtýsııa erejelerin júzege asyrý maqsatynda bes konstıtýsııalyq zańǵa qol qoıdy.