UQK Shekara qyzmeti 2026 jylǵy mamyrda quzyrly organdarmen birlesip, Qazaqstan zańnamalaryn buzǵan 3 881 adamdy ustady. Olardyń ishinde 1 125-i – shetel azamattary, dep habarlaıdy Egemen.kz.
Vedomstvonyń habarlaýynsha, esepti kezeńde memlekettik shekara arqyly taýarlar men júkterdi zańsyz ótkizýdiń 1 180 faktisiniń joly kesilgen.
60 mln teńgeniń janar-jaǵarmaıy: Shekarada zańsyz munaı tasymalynyń joly kesildi
UQK Shekara qyzmetiniń bir aılyq jumys qorytyndysy boıynsha anyqtalǵan negizgi derekter:
Esirtki zattary: 41 fakti tirkeldi. Qarý men oq-dári: 61 fakti anyqtaldy (2 birlik atys qarýy, 42 birlik sýyq qarý jáne 118 birlik oq-dári). Janar-jaǵarmaı (JJM): Kólemi 85 tonnadan asatyn 406 fakti áshkerelendi. Halyq tutynatyn taýarlar: Jalpy somasy 665 mln teńgeden astam quraıtyn 526 fakti anyqtaldy. Shetel valıýtasy: Jalpy somasy shamamen 1,5 mlrd teńgeni quraıtyn zańsyz valıýta tasymalynyń 146 faktisiniń aldy alyndy.Sonymen qatar Kaspıı sý aıdynynda zańsyz balyq aýlaýmen aınalysýdyń 12 faktisi anyqtalǵan. Tekseris barysynda brakonerlik quraldar men bekire tuqymdas balyqtar tárkilendi. Memleketke keltirilgen shyǵyn kólemi shamamen 210 mln teńgeden asady.
UQK Shekara akademııasyna bazalyq uıym mártebesin berý týraly ereje bekitildi
Atalǵan quqyq buzýshylyqtar boıynsha Shekara qyzmeti tarapynan 62 qylmystyq is qozǵalyp, qazirgi ýaqytta tergeý sharalary júrgizilip jatyr. Al qalǵan faktiler boıynsha tıisti materıaldar prosessýaldyq sheshimder qabyldanýy úshin quqyq qorǵaý jáne sot organdaryna joldandy.