Qasym-Jomart Toqaev Korol X Frederıkti Danııa Koroldiginiń ulttyq merekesi – Konstıtýsııa kúnimen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
Qazaqstan Prezıdenti atalǵan mereke Danııa halqy úshin demokratııalyq qundylyqtardyń, qoǵamdyq kelisimniń jáne ornyqty damýdyń sımvoly retinde erekshe mańyzǵa ıe ekenin atap ótti.
Memleket basshysy dostyq pen ózara qoldaý rýhyndaǵy qazaq-dat baılanystary odan ári nyǵaıa beretinine senim bildirdi.
Qasym-Jomart Toqaev Korol X Frederıktiń jaýapty memlekettik qyzmetine tolaıym tabys, al dostas Danııa halqyna baq-bereke tiledi.
Eske sala keteıik, búgin Memleket basshysy «Ákimshilik ádilet jáne onyń quqyq ústemdigin qamtamasyz etý isindegi róli» atty halyqaralyq forýmda sóz sóıledi.