Taraz qalasynda elektr energııasyn berý ýaqytsha shektelip, sonyń saldarynan turǵyndardyń bir bóligi jaryqsyz qalǵan. Bul týraly qala ákimdigi málimdedi, dep habarlaıdy Egemen.kz.
Jaryqtyń óshýine joǵary kerneýli elektr jetkizý jelisindegi apat sebep bolǵan. Qazirgi ýaqytta mamandar oqıǵanyń sebepterin anyqtap, qalpyna keltirý jumystaryn júrgizip jatyr.
«Turǵyndarǵa keletin qolaısyzdyqtardy barynsha azaıtý maqsatynda elektr energııasy kezeń-kezeńimen, rezervtik qorektendirý shemalaryn paıdalaný arqyly berilip jatyr. Tehnıkalyq jumystar aıaqtalǵannan keıin elektrmen jabdyqtaý tolyq qalpyna keltirilip, qalypty rejımge kóshiriledi», delingen habarlamada.
Astanada elektr energııasynyń tarıfi qymbattaýy múmkin
Áleýmettik jelilerde turǵyndar mobıldi ınternet pen baılanys sapasynyń nasharlaýyna shaǵymdanyp jatyr. Keıbir qala turǵyndarynyń aıtýynsha, sý da joq. Sý aıdaıtyn sorǵy jabdyqtarynyń jumysy elektr qýatyna táýeldi.
Ákimdik turǵyndardan ýaqytsha qolaısyzdyqtarǵa túsinistikpen qaraýdy surap otyr.
Aıta keteıik, buǵan deıin Qazaqstanda 7 myń shaqyrym jańa elektr jelisi salynatynyn habarlaǵan edik.