Elorda máslıhaty turǵyn úıdi jańǵyrtý baǵdarlamasyn bekitti. Baǵdarlamany qabyldaýǵa qala halqy sanynyń qarqyndy ósýi sebep bolyp otyr. Boljam boıynsha, 2035 jylǵa qaraı Astana turǵyndarynyń sany 2,3 mıllıon adamǵa jetedi, dep habarlaıdy Egemen.kz
Apatty úılerdi kóshirý kestesi:
- 2025 jyl – 22 úı
- 2026 jyl – 25 úı
- 2027 jyl – 29 úı
- 2028 jyl – 32 úı
- 2029 jyl – 74 úı
- 2030 jyl – 15 úı
Apatty turǵyn úılerdiń ıelerine kólemi jaǵynan teń turǵyn úı beriledi. Bul keminde bir bólmeli páterden kem bolmaýy tıis.
Turǵyn emes nysandardyń menshik ıelerine de balamaly aýmaq usynylady nemese olardyń múlkiniń naryqtyq quny óteledi.
Baǵdarlama barysynda qala bıligi Ankara qalasynyń tájirıbesine negizdelgen úlgini qoldanbaq. Bul modelde salynǵan turǵyn úılerdiń bir bóligi qonys aýdarýshylarǵa berilip, qalǵany naryqta satylady.
Astanada apatty úılerden 4 200 adam kóshiriledi
Jobany qarjylandyrý jergilikti bıýdjet, memlekettik-jekemenshik áriptestik tetikteri, qaryz qarajaty, memlekettik baǵaly qaǵazdar jáne turǵyn úı satýdan túsetin tabys esebinen júzege asyrylady.