Taraz qalasyndaǵy «Bilim-Innovasııa» lıseıiniń túlegi Nurǵanat Qanat Ulttyq biryńǵaı testileýde múmkin bolǵan 140 balldyń barlyǵyn jınap, úzdik nátıje kórsetti, dep habarlaıdy Egemen.kz.
Nurǵanat buǵan deıin de «XXI ǵasyr kóshbasshysy» baıqaýynyń jeńimpazy atanyp, tarıh páninen respýblıkalyq olımpıadanyń úsh dúrkin altyn medal ıegeri bolǵan.
Talapkerdi UBT-ǵa daıyndaǵan JUZ40 bilim berý ortalyǵy erekshe jetistigi úshin oǵan teńdessiz syılyq usynbaq. Túlekke bıznes-klass páter, Mercedes E-Class avtokóligi nemese 50 mıllıon teńge aqshalaı syıaqynyń birin tańdaý múmkindigi beriledi.
Naýryzdaǵy UBT: Semeılik oqýshy Erasyl Saılaýov 140 ball jınady
Sonymen qatar, ortalyq Nurǵanatqa joǵary oqý ornynda oqıtyn tórt jyl boıy aı saıyn 140 myń teńge kóleminde shákirtaqy tóleıdi. Al onyń ata-anasyna 3 mıllıon teńge kóleminde syıaqy tabystalady.
Esterińizge sala keteıik, Ulttyq biryńǵaı testileý elimizde 10 mamyrda bastalyp, 10 shildege deıin jalǵasady. Ǵylym jáne joǵary bilim mınıstrliginiń málimetinshe, qatysýǵa 240 myńǵa jýyq ótinish berilgen.