Sınoptıkterdiń boljaýynsha, aldaǵy demalys kúnderi elimizdiń basym bóliginde aptap ystyq bolady. Tek soltústik, shyǵys jáne ortalyq aımaqtarda úsik júrýi múmkin, dep habarlaıdy Egemen.kz.
Aldaǵy kúnderi Qazaqstan aýmaǵyndaǵy aýa raıyn eki barıkalyq túzilim aıqyndaıdy. Eldiń batys jáne ońtústik óńirleri ońtústik sıklonnyń yqpalynda bolady. Bul óńirlerde naızaǵaı oınap, ótkinshi jańbyr jaýady, al 18 mamyrda batysta qatty jańbyr men burshaq jaýýy yqtımal.
16-17 mamyr túnderi atmosferalyq fronttardyń ótýine baılanysty eldiń soltústigi men shyǵysynda jaýyn-shashyn (jańbyr, qar) boljanady. Respýblıka boıynsha jel kúsheıip, ońtústikte shańdy daýyl bolady. Soltústik pen shyǵysta túngi jáne tańǵy saǵattarda tuman túsedi.
Úsik pen aptap ystyq: Elimizde aýa raıy kúrt ózgeredi
Túngi ýaqytta eldiń soltústiginde, shyǵysynda jáne ortalyǵynda 1-6 gradýsqa deıin úsik júrýi múmkin.
Kúndizgi aýa temperatýrasy:
Batysta +30…+37°C-tan +25…+30°C-qa deıin tómendeıdi; Soltústik-batysta +25…+30°C; Soltústikte +20…+30°C-tan +15…+20°C-qa deıin tómendeıdi; Ortalyqta +25…+30°C-tan +29…+34°C-qa deıin joǵarylaıdy; Shyǵysta +12…+20°C; Ońtústikte +30…+35°C-tan +33…+40°C-qa deıin joǵarylaıdy; Ońtústik-shyǵysta +18…+25°C-tan +25…+32°C-qa deıin kóteriledi.