Astana qalasynda jańa áýejaı salý máselesi qaıta qaralyp jatyr. Joba qajettiligi elorda halqynyń kóbeıýi men áýe tasymalyna suranystyń artýymen baılanysty bolyp otyr, dep habarlaıdy Egemen.kz.
Astana ákiminiń orynbasary Ersin О́tebaevtyń aıtýynsha, qazirgi ýaqytta jańa áýejaıdyń naqty orny áli anyqtalǵan joq.
«Birneshe baǵyt qarastyrylyp jatyr: Qosshy, Qaraǵandy jáne Pavlodar tas joldary. Biraq ázirge naqty orny anyqtalǵan joq», dedi Ersin О́tebaev.
Onyń sózinshe, bul baǵyttar boıynsha arnaıy sarapshylar toby jumys júrgizip jatyr.
Jobany iske asyrý kezinde qalanyń oń jáne sol jaǵalaýyn eskerý máselesi de qarastyrylǵan. Mysaly, Qaraǵandy jáne Pavlodar tas joldary mańynda áýejaı salynsa, ol oń jaǵalaý turǵyndary úshin qoljetimdi bolmaq.
Astana erekshe mártebege ıe bolady: Parlament zań jobasyn maquldady
Aıta keteıik, Memleket basshysy Qasym-Jomart Toqaev 2025 jyldyń sońynda Astanada jańa áýejaı salý múmkindigin qarastyrýdy tapsyrǵan bolatyn.
Buǵan deıin Astanadaǵy ekinshi áýejaıdyń qashan salynatyn habarlaǵan edik.