Oblystyq ákimdikte óńir basshysy Málik Myrzalınnyń tóraǵalyǵymen dinı birlestikter baılanysy boıynsha keńes otyrysy ótti. Onda qaralǵan basty taqyryptardyń biri, bul qazirgi qoǵamnyń damýy sheńberinde dinı salada atqarylyp jatqan jumystar.
Búginde oblysta 188 dinı birlestik tirkelse, 85 mıssıoner jumys isteýde. Dinı aǵartý baǵytynda 2751 is-shara ótkizilgen. Onyń nátıjesi de joq emes. Máselen, salafızm baǵytyn ustanǵan 35 azamat ózderiniń dinı kózqarastaryn ózgertken. Sońǵy jyldary rýhanı ǵımarattar qurylysy da qarqyn alyp otyr. 2018 jyly 20 meshit pen 3 katolık shirkeýi boı kóterdi. Alaıda, teris dinı kózqarastardyń saldarynan týyndaǵan túıtkilder de bar. Máselen, bıyl 21 ata-ana dinı kózqarastarynyń saldarynan balalaryn vaksınasııalaýdan ótkizýden bas tartty.
–Búginde Aqmola oblysy aýmaǵynda 188 dinı birlestik pen olardyń bólimsheleri jumys isteıdi. Olardyń 89-y ıslam dinin, 44-i pravoslav, 11-i katolık, 43 protestant jáne bireýi dástúrli emes din ókilderinen quralǵan. Odan qaldy memlekettik tirkeýden bas tartyp otyrǵan evangelııalyq hrıstıan-baptıstik qaýymdy quraıtyn 10 birlestik bar,– oblystyq din isteri jónindegi basqarmanyń jetekshisi Bolat Qasenov.
Jıyn barysynda oblys ákimi Málik Myrzalın hrıstıan dinindegi basty dinı meıramdardyń biri Rojdestvonyń tıisti deńgeıde atalyp ótpegenine qatysty syn aıtty.
Naýan Haziret meshitiniń bas ımamy Qýanysh qajy Sábıt pen Kókshetaý jáne Aqmola oblysynyń Eparhıı epıskopy Serapıon Sergeı Kolosnısyn jastardy rýhanı-adamgershilik baǵytta tárbıeleýde dástúrli dinderdiń róli týraly baıandamalaryn jasady. Jalpy, óńir basshysy, oblys aýmaǵynda dinı baǵytta atqarylyp jatqan jumystarǵa oń baǵasyn berdi. Búginde meshitte jastardy rýhanı turǵyda tárbıeleý maqsatynda 4 baǵytta nátıjeli jumystar jemisti atqarylýda. Jergilikti bılik ókilderiniń qoldaýymen kópgshiliktiń birqatar máseleleri de ońtaıly sheshimin tabýda.
Baıqal BAIÁDIL,
«Egemen Qazaqstan»
Aqmola oblysy