Vıza elektrondy formatta resimdeledi

О́ıtkeni vızany elektron­dy resimdeý – kóp sharýany je­­ńil­­detýge yqpal etedi. Son­dyq­tan eldegi vıza berýdiń qol­da­nys­taǵy tártibine ózgerister engi­zilip otyr. Elektrondy vıza is­kerlik, týrıstik jáne emdelý maqsatynda Qazaqstanǵa kele­tin sheteldik azamattarǵa Ishki ister mınıstrliginiń kóshi-qon qyzmeti bólimshelerinde bel­gi­lengen tártippen resimdelip, qa­zaqstandyq taraptyń shaqyrýy negizinde beriledi. Sonyń arqasynda zań buzý­shy­lyq­­tyń aldyn alý men azaıtý ju­mys­­tary júıeli júrgiziletin bolady.

Qolynda jaramdy elektrondy vızasy bar sheteldik Qa­zaq­stan Respýblıkasynyń aý­maǵyna tek qana Astana jáne Almaty qalalaryndaǵy halyq­aralyq áýejaılardyń baqylaý pýnktteri arqyly kirip-shyǵa alady, delingen Syrtqy ister mınıstrliginiń saıtynda. 

Nátıjesinde týrıstik elek­trondy vızalar 117 eldiń, al iskerlik jáne emdelý vızasy 23 eldiń azamattaryna beril­mek. Bul otandyq demalys oryn­dary men emdik-saýyq­tyrý ortalyqtary úshin de paıda ákelýi tıis. Munyń ar­qa­synda qazaq eline keletin shetel­dikterdiń sany eselenip, týrızm salasyna yqpaly etýi múmkin. 

Elektrondy bul qujat tek vızany alýshy úshin ǵana ja­ramdy jáne onymen birge jú­retin tulǵalarǵa qoldanylmaı­dy. Aıta ketý kerek, tólengen konsýldyq alymdar qaıta­ryl­maıdy. Vıza máselesin sheshý qolaıly ádistermen sheshil­genimen ony alýdaǵy tártipter qatań saqtalatyny sózsiz. Sol sebepti vıza alýshynyń usyn­ǵan pasporty túpnusqa jáne ıe­siniki ekendigine kúmán kel­tir­meıtindeı bolýy shart. Son­daı-aq sheteldik azamattyń qu­ja­tynda keminde 2 taza bet bolǵany jón. Onyń jaramdylyq merzimi vızanyń qoldanylý merziminen buryn nemese 3 aıdan buryn aıaqtalmaýy kerek. Osyndaı talapqa saı sheteldik qana elektrondy vızaǵa qol jetkizbek.

Qabyldaýshy tulǵalar kelip ketýshiler týraly kóshi-qon qyz­meti organdaryna olar kelgen kún­nen bastap úsh jumys kúni ishin­de habarlap otyratyn bolady.

Al elektrondy vızany resimdeý algorıtmi men vızany alatyn elder tizimi SIM saıtynda kórsetilgen. 

Janbolat KENJEǴUL,

«Egemen Qazaqstan»