Kartaǵa qarap-aq bárin bilesiń

Eger bul jaıttar ýaqytynda oryndalmasa, turǵyndar tarapynan túrli túsinbeýshilikter týyndaýy múmkin. Sondyqtan tolǵaqty áleýmettik-turmys­tyq máselelerdi der kezinde retteýdiń mańyzy men róli jo­ǵary. Osy maqsatta óńirde «О́zek­ti máseleler kartasy» qu­ryldy. Soǵan sáıkes tıisti tal­daýlar men zertteý jumystary júrgizilip keledi. Qujatqa kóz salsaq, qazirgi kezde shuǵyl sheshýdi qajet etetin 72 ózekti másele bar ekenin kórýge bolady. Onyń deni turǵyn-úı kommýnaldyq sharýashylyǵyna qatysty bolsa, kelesi kezektegi ózekti máseleler tizbegin avto­kólik joldaryna qatysty túıt­kilder quraıdy. Sonymen birge turǵyn úı qurylysy, mádenıet, sport jáne densaý­lyq saqtaý salalarynda da túbegeıli sheshimin taýyp úlgermegen máseleler bar ekeni aıqyn kórinedi. Onyń kólemi 22 paıyzdyq kórsetkishke tán. 

Kartaǵa qarap kóp jaıtty kóńilge toqýǵa bolady. О́ńir­degi ózekti máselelerdiń qazirgi jaǵdaıyn oı bezbeninen ótkizýge de múmkindik mol. Eń bas­tysy, aımaqta kartanyń kóme­gimen sheshimin kútken máse­lelerdi jedel ári kór­neki túrde baqylaýǵa jol ashylǵan. Sodan soń tıisti quzyrly organdardyń nazaryna beriledi. О́z kezeginde olar resýrstardyń kólemi men istiń oryndalý merzimin aıqyndap, naqty sheshim qabyldaıdy.

Aıtalyq, aımaqta aýdan ortalyqtary men qalalardyń kartasyn jasaqtaýdyń bastap­qy kezeńinde 14 másele boldy ári onyń sheshimi bıýdjet qarajatyn bólýge baılanysty óristedi. Búginde onyń  jeteýi oń sheshimin tapqany belgili bolyp otyr. Atap aıtqanda, atalǵan jobalar boıynsha 2,4 mıl­lıard teńge bıýdjet qarajaty bólindi. Sonymen birge 2019 jyly júzege asatyn jobalarǵa 894,3 mıllıon teńge, sondaı-aq 2020 jyly atqarylatyn jobalarǵa 490,6 mıllıon teńge bólý qarastyrylǵan. Qysqasy, búginde óńirdegi jergilikti atqarýshy organdar, sonyń ishinde oblystyq basqarmalar men aýdandyq ákimdikter kartada kórsetilgen máselelerdi sheshýge bir kisideı jumylǵan. Mundaǵy basty ustanym – oryn alǵan ózekti máselelerdi qoıan-qoltyq ózara birlesip sheshý.

Temir QUSAIYN,

«Egemen Qazaqstan»

AQTО́BE