Qaraǵandy oblysynyń Shet aýdanyndaǵy Aqadyr kentinde «Nurly jer» memlekettik baǵdarlamasy aıasynda 70 páterlik bes qabatty úı paıdalanýǵa berildi.
Qańyrap bos turǵan bul úıdi qalpyna keltirýge oblystyq bıýdjetten 231 mıllıon teńge qarjy bólingen bolatyn. Kúrdeli jóndeýden ótken kópqabatty úıge jetim balalar, kópbalaly jáne az qamtylǵan otbasylar qonystandy. Sondaı-aq, burynǵy baspanasy apatty dep tanylǵan bes otbasyna da osy úıden páter buıyrdy.
Baspanaly bolyp, qýanyshqa bólengen aqadyrlyqtarǵa páterlerdiń kiltterin Shet aýdanynyń ákimi Marat Jandáýletov tabys etti.
Budan bólek, ótken jyly osy aýdannyń Aqjal jáne Aqsý-Aıýly kentterinde de 12 jáne 4 páterli úıler paıdalanýǵa berilgen bolatyn. Al byl Shet aýdanynda taǵy bir 12 páterli úı salynady dep josparlanǵan.
Qaırat ÁBILDA,
«Egemen Qazaqstan»
Qaraǵandy oblysy