Qyzylorda qalasynda A.Toqmaǵambetov atyndaǵy Mádenıet úıinde oblystyq «Jas Otan» Jastar qanatynyń jyldyq qorytyndy keshi ótti. 2018 jyl Qyzylorda oblystyq «Jas Otan» Jastar qanatyna tabysty jyl boldy deýge bolady. Aımaqtaǵy kitaphanalardy zaman talabyna saı jańǵyrtyp, jastarǵa tartymdy etip, qala, aýdan ortalyqtaryndaǵy kitaphanalar «Bilim ortalyqtaryna» aınaldy.
Jastar qanatynyń bastamasymen «English for jastar» jobasy aıasynda oblystyń barlyq 7 aýdanynda 11 erikti aǵylshyn tilin oqýshylarǵa tegin úıretti. Qazirgi tańda oblysta 350 oqýshy aǵylshyn tilin tegin meńgerip, deńgeılerin arttyryp jatyr.
Respýblıkalyq «Jas Otan» JQ Sezdiniń izimen Qyzylorda oblysynda «Jas Otan» Jastar qanatynyń uıymdastyrýymen 500 jastyń qatysýymen «Jańa álemdegi jastar kelbeti» atty oblystyq jastar forýmy uıymdastyryldy. Forýmǵa oblys ákimi Q.E. Kósherbaev arnaıy qatysqan. Forýmnyń qorytyndysymen «Jańa álemdegi jastar kelbeti» atty 2021 jylǵa deıingi tujyrymdama qabyldanyp, júıeli jumystar júrgizilip jatyr.
Jyldyq qorytyndy keshte oblystyq «Jas Otan» JQ tóraǵasy T.Tiles jastar jyly qarsańynda «Jastar jylyndaǵy jetistigiń» atty respýblıkalyq aksııasyn jarııalady. Bul aksııaǵa elimizdiń barsha jastary úles qosyp, qatysa alady. Aksııa maqsaty - elimizdegi jastardy Jastar jylynda ómirindegi mańyzdy jetistikke jetýine úndeý, shaqyrý. Aksııa 2019 jyldyń jeltoqsan aıynyń 10 kúnine deıin jalǵasatyn bolady. Aksııaǵa qatysý jastar arasynda keńinen tanymal (Facebook, Instagram) áleýmettik jeliler arqyly júzege asady. Aksııaǵa qatysýǵa nıetti árbir jas atalǵan áleýmettik jelilerde Jastar jylyndaǵy jetken óziniń jetistigin #JJJ2019 heshtegimen jarııalaıdy. «Jastar jylynda jastyq jalynymyzben jalyndap, elimizdiń damýyna barshamyz úles qosaıyq. Mysaly, Jastar jylynda jas dáriger óziniń alǵashqy nemese eń qıyn operasııasyn jasaýy múmkin, jas ǵalym jańa joba nemese ǵylymı jańalyq ashýy múmkin, jas sportshylar elimizdiń baıraǵyn jelbiretýi múmkin, jas aqyn nemese jazýshy óziniń jańa kitabyn, eńbegin aıaqtaýy múmkin, jas eginshi rekordtyq ónim alýy múmkin. «Aksııaǵa barsha elimizdiń jastaryn belsene qatysýǵa shaqyramyn» dedi óz sózinde T.Tiles.
2019 jyldyń jeltoqsan aıynda «Jastar jylyndaǵy jetistigiń» aksııasy qorytyndysy resmı jarııalanyp, aksııaǵa qatysýshy jastardyń jetistikteri keńinen nasıhattalatyn bolady.