20 jastaǵy qazaqstandyq kásipqoı boksshy Sadrıddın Ahmedov (7-0, 7 KO) WBC tujyrymy boıynsha jastar arasyndaǵy belbeýdi jeńip alǵannan soń álemdik reıtıngte birshama joǵarylady.
Kanadanyń Monreal qalasynda ótken boks keshinde sharshy alańǵa shyqqan ol meksıkalyq boksshy Abraham Hýarespen (12-1, 4 KO) judyryqtasyp, kezdesýdiń tórtinshi raýndynda tehnıkalyq nokaýtpen jeńiske jetti. Ahmedov bul jeńisinen soń jastar arasyndaǵy WBC beldigin ıelenip qana qoımaı, álemdik BoxRec saıtynyń reıtınginde 116 saty joǵarylap, óz salmaq dárejesinde 85-orynǵa jaıǵasty. Qarsylasy 103 saty tómen syrǵyp, 206-orynǵa taban tiredi.
BoxRec saıtynyń málimeti boıynsha, birinshi orta salmaqta álem boıynsha 1850 boksshy bar. Reıtıngtiń kóshin WBO tujyrymynyń chempıony meksıkalyq Haıme Mýngýııa (32-0, 26 KO) bastap tur. Al Qazaqstan boıynsha bul salmaqta 26 jastaǵy Nursultan Jańabaev (6-0, 4 KO) birinshi orynda. Ol reıtıngte 80-satyǵa jaıǵasqan. Jańabaev qazirgi tańda WBC Asia aımaqtyq belbeýiniń ıegeri.
Álı BITО́RE,
«Egemen Qazaqstan»