Oblys ortalyǵyndaǵy arnaıy aımaqtyń aýmaǵy 1200 gektar. Onyń 450 gektarynda 10 kásiporyn, ınfraqurylymdyq nysandar ornalasqan. Mamandar qalǵan aýmaqqa áli de 25 jobany ornalastyrýa bolatynyn aıtady.
Aımaqqa ótken jyly 15 mlrd teńge kóleminde ınvestısııa tartylǵan. Onyń 7 mlrd. teńgesi sheteldik ınvestorlardyń qarjysy.
Bul kúnderi Jasandy tastan rakovınalar jasaıtyn «RTF - PVL» JShS, alıýmınıı sılıkatty mıkrosfera óndiretin «Metallogamma» JShS jáne qospaly alıýmınıı shyǵa-ratyn «Leichtmetall KZ» JShS sııaqty jańa kásipoyrndar ashylyp, jumys jasaýda.
Aımaq ókilderi óndirilgen ónim kólemi óskenin, bıýdjetke 3,6 mlrd. teńge mólsherinde salyqtyq túsim aýdarylǵanyn málim etti.
Bul maqsat úshin Investısııa tartý, ınfraqurylymdy damytý jáne marketıngtik turǵydan jumys júrgizilgen.
Sonymen qatar, tazartý qurylystarynyń ekinshi kezeńi, ońtústik baǵyt boıynsha avtomobıl dálizi jáne káriz júıesi paıdalanýǵa berilgen.
Aldaǵy jyldary júzege asyrylatyn qosymsha 5 ınfraqurylym-dyq jobaǵa 2,1 mlrd. teńge qarastyrylýda.
Mysaly, «Ertis Nefte-servıs» kásiporny janar-jaǵarmaıǵa arnalǵan qospalardy óndirse, hımııalyq tyńaıtqysh shyǵarýda josparda bar.
О́ndiristi –ónerkásipti aımaqty álemge tanytyp, ınvestorlardy alys-jaqyn shet elden tartý úshin sıfrlyq formatqa kóshý júıesi bastaldy.
Arnaıy ekonomıkalyq aımaqtyń keńeıýine oraı qosymsha elektr qýatyn jetkizý máselesi de kún tártibinde.
Bul kúnderi oblys ortalyǵyndaǵy elektr jelilerin taratatyn kásiporyn arnaıy joba ázirleýde.
Al, sheteldik ınvestorlar arnaıy úshin aımaqta óndiristik alańdardyń daıyn turǵany qajet. Olarǵa óndiristik jabdyqtaryn jetkizip, birden isin bastaýǵa ońaı.
Bul úshin shaǵyn birneshe kásiporyn ornalasatyndaı óndiristik ǵımarattar salýdy usynylýda. Oblys ákimdigi bul usynysty quptaıdy.
О́ıtkeni, arnaıy aımaqta suranysy joǵary ónimder shyǵarý kerektigi belgili. Sondyqtan, qazir jaýapsyz ınvestorlarmen de jumys júrgizilýde. Buǵan deıin 13 ınvestormen jasalǵan kelisim buzylypty.
Iаǵnı, arnaıy aımaqtan jer telimderin alyp, biraq ta eshteńe jasalmaǵan jerler keri qaıtarylýda.
Farıda BYQAI,
«Egemen Qazaqstan»
PAVLODAR