Baǵa azyq-túlik taýarlaryna ótken aıda – 1,3%, azyq-túlik emes taýarlaryna 0,3%-ǵa joǵarylady, al aqyly qyzmetterge 0,2%-ǵa tómendedi. Bul týraly Ulttyq ekonomıka mınıstrligniń baspasóz qyzmeti habarlady.
О́tken aıda baǵanyń ósýi jańa jınalǵan kókinisterge – 12,2%, jumyrtqaǵa – 2,1%, máıekti irimshikke – 1,5%, kúrishke – 1,3%-ǵa, qus etine, jylqy etine – 1,2%-dan, sary maıǵa – 1,1%, shujyq ónimderine – 0,9%-ǵa, et ónimderine, unǵa – 0,8%-dan, qoı etine, toqash jáne unnan daıyndalatyn ónimderine – 0,7%-dan, makaron ónimderine, jańa saýylǵan sútke, kúnbaǵys maıyna, shoshqa etine, kondıterlik ónimderge 0,5%-dan belgilendi. Temeki ónimderi – 3,6%, alkogoldi ishimdikter 0,8%-ǵa qymbattady. Baǵanyń tómendeýi qumshekerge 1,4%-ǵa tirkeldi.
Baǵa ósimi toqyma buıymdaryna – 1%-dy, farmasevtıkalyq ónimderge, jeke qoldanatyn taýarlarǵa, jıhaz jáne úıge qajetti zattarǵa – 0,8%-dan, avtomobılderge – 0,7%, jýǵysh jáne tazalaǵysh quraldarǵa – 0,6%, kıim jáne aıaq kıimge, turmystyq aspaptarǵa 0,5%-dan qurady. Tas kómir – 1,7%, benzın – 1,2%, ballondaǵy suıytylǵan gaz 0,3%-ǵa arzandady.
Baǵa deńgeıi quqyqtyq, jeke kólik quraldaryn saqtandyrý qyzmetterine – 5%-dan, densaýlyq saqtaý qyzmetterine – 0,9%-ǵa, qoǵamdyq tamaqtandyrý qyzmetterine, mektepke deıingi balalar mekemesiniń qyzmetterine – 0,7%-dan, shashtarazdar men jeke qyzmet kórsetý oryndary qyzmetterine 0,6%-ǵa ósti. Jolaýshylardyń áýe kóligimen jol júrý aqysy – 7,9%, temir jol kóligimen 4,2%-ǵa arzandady.
Turǵyn úı-kommýnaldyq qyzmetter salasynda tarıfter ortalyqtan jylytýǵa – 3,6%, kárizge – 2,1%, sýyq sýǵa – 2%, elektr energııasyna – 1,4%, taratý jelileri arqyly tasymaldanatyn gazǵa – 0,4%, qoqys shyǵarýǵa 0,3%-ǵa tómendedi.
Inflıasııa deńgeıin sıpattaıtyn tutyný baǵasynyń ındeksi halyqtyń jeke tutyný úshin satyp alatyn taýarlary men qyzmetteri baǵasynyń ózgerýin kórsetedi. Taýarlar men qyzmetter jıyntyǵyna 510 pozısııa kiredi. Baǵany tirkeý menshiktiń túrli nysandaryndaǵy saýda jáne qyzmet kórsetý salasy kásiporyndarynyń irikteme júıesi boıynsha barlyq oblys ortalyqtarynda, astanada jáne qalalar men aýdan ortalyqtarynyń belgilengen sheńberi boıynsha júrgiziledi. Biriktirý úshin paıdalanylatyn salmaq júıesi olardyń shyǵystary bóliginde ótken jylǵy úı sharýashylyqtaryn zertteý materıaldary negizinde esepteledi.
2019 jylǵy qańtardan bastap TBI–di eseptegende azyq–túlik taýarlarynyń úlesi – 38,8%, azyq–túlik emes taýarlar – 29,8%, aqyly qyzmetter 31,4%–dy qurady.