Kóliktik medısınanyń damýy

Juma, 19 qazan 2012 8:05

Densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» Memlekettik baǵdarlamasynda kóliktik medısınany damytýdyń keshendi sharalary belgilengen. Bul sharalar árbir qazaqstandyqtyń sapaly medısınalyq kómekke barynsha qoljetimdiligin qamtamasyz etýdi kózdeıdi. Bul salany qarqyndy damytý memlekettiń óz azamattaryna degen qamqorlyǵyn aıqyn pash etedi.

Búginde respýblıkamyzdyń kóliktik medısınasynyń quramynda jyl­jy­ma­ly medısınalyq keshender (JMK), «Den­saýlyq», «Járdem» jáne «Sala­mat­ty Qazaqstan» sııaqty emdeý-dıag­nostıkalyq poıyzdary, sanıtarlyq avıasııa jáne trassalyq medısınalyq-qut­qarý pýnktteri (TMQP) jumys isteıdi.

Aýyl turǵyndaryna qoljetimdi me­dısınalyq qyzmet kórsetýdi 49 JMK is júzine asyrady. Osy jyljymaly medı­sınalyq keshender ústimizdegi jyldyń 9 aıy ishinde 530 myń adamdy dárigerlik tekseristen ótkizdi. 1 mıllıonnan astam laboratorııalyq-dıagnostıkalyq zert­teý­ler, 460 myń kásibı mamandardyń keńesteri júrgizildi.

2012 jyldyń 9 aıy ishinde 3 emdeý-dıagnostıkalyq poıyzdary respýb­lıka­myzdyń barlyq oblystaryndaǵy 206 stansanyń turǵyndaryn medısınalyq tekseristen ótkizdi. Atap aıtqanda, 41 194 turǵyn, onyń ishinde 15 796 bala jan-jaqty dárigerlik tekseristerden ótti. 199 711 dıagnostıkalyq em rá­sim­deri (onyń ishinde 44 815 ÝDZ-zert­teýler, 13 067 EEG, 18 036 EKG, 3 524 EFGDS, 12 207 rengenologııalyq zert­teý­ler jáne 94 695 klınıkalyq-bıo­hı­mııa­lyq saraptamalar) atqaryldy.

Sanıtarlyq avıasııa boıynsha res­pýb­lıkalyq úılestirý ortalyǵy 2012 jyldyń 9 aıy ishinde 682 ushý sa­par­laryn oryndady. 906 adamǵa kómek kór­setildi, onyń ishinde 552 syrqat Astana jáne Almaty qalalaryndaǵy respýb­lıkalyq klınıkalarǵa, sonymen birge, oblys ortalyqtaryna jetkizildi. 289 syr­qatqa respýblıkalyq jáne oblystyq dárejedegi mamandar keńes berdi, 66 adamǵa ota jasaldy.

2011 jyldyń 20 jeltoqsanynan bastap Almaty, Jambyl, Qaraǵandy jáne Ońtústik Qazaqstan oblystarynyń tras­salarynda bolǵan jol-kólik oqıǵa­lary­nan zardap shekkenderge jedel medı­sı­nalyq qutqarý kómekterin kórsetý maq­satynda 6 TMQP jumys isteýde. 2012 jyldyń 9 aıy ishinde TMQP brıga­da­lary 311 ret jol-kólik oqıǵalary oryn alǵan jerlerge attandy. Osy saparlar barysynda jol-kólik oqıǵasynan zardap shekken 666 azamatqa, onyń ishinde 33 balaǵa jedel medısınalyq kómek kór­setildi. 289 adam, onyń ishinde 26 bala aýrýhanalarǵa shuǵyl jetkizildi.

Materıaldy Qoǵamdyq kelisim jáne áleýmettik jańǵyrtý salasyndaǵy sarapshylyq keńes usyndy