Bul jóninde oblystyq deycaýlyq saqtaý basqarmasynyń baspasóz qyzmeti habarlady. Denısov jáne Áýlıekól aýdandarynda 1990 jáne 1968 jylǵy eki áıel dalada qalǵannan, úsip ólgen. Qostanaı qalasynda bir adamnyń saýsaqtary úsik shalyp, aýrýhanaǵa túsken.
Al Rýdnyı qalasynda saýsaqtaryn úsik shalǵan 4 adamǵa kómek kórsetilgen, biraq aýrýhanaǵa jatqan joq. Uzynkól aýdanynda mashına synyp, jolda qalǵan bir jolaýshy da úsikten zardap shekken. Ol oblystyq aýrýhananyń travmatologııalyq bólimshesine jetkizildi. Qostanaı qalasynyń irgesindegi Zatobol kentinde de qatty tońyp, densaýlyǵy nasharlaǵan bir adam Qostanaı aýdandyq aýrýhanasyna jetkizildi.
Oblystyq Tótenshe jaǵdaılar departamentiniń qyzmetkerleri aıaz bolady degen kúnniń aldyn ala turǵyndar arasynda úsip ketýden saqtaný týraly áńgimelder ótkizdi, úsik shalýdan saqtanýdyń ádisterin aıtty, eskertti.
Názıra Járimbet,
«Egemen Qazaqstan»
Qostanaı