Túrkııa bıligi buǵazdan ótýdiń jańa erejesin qabyldaýyna baılanysty 41 mıllıon munaı barreli tıelgen qazaqstandyq jáne reseılik tankerler Bosfor men Dardanellaǵa óter jolda toqtap tur. Bul týraly Bloomberg agenttigi habarlady.
Qazirgi tańda buǵazdan ótý úshin 55 tanker, onyń ishinde 21 suezmax jáne 26 aframax sanatyndaǵy tankerler kezekte tur. Byltyr qyrkúıekte Ankara basshylyǵy navıgasııa erejelerin kúsheıtip, buǵazda mindetti túrdi býksır qoldanatyn kemeler tizimin keńeıtip tastady. Osydan keıin Bosfor men Dardanellada tankerler men astyq tasýshy kemeler jınala bastady.
Buryn Qara teńizden Egeıge ótý úshin bes-alty kún kútý kerek bolsa, endi kemeler 16 kún kútýge májbúr. Al Egeı teńizinen Qaraǵa ótý buryn alty kúndi alsa, endi 14 kún qajet. 2019 jyldyń basynan buǵazdarda rekordtyq keme sany jınala bastady.