Búgin shahmattan Qazaqstan áıelder quramasynyń jańa bas bapkeri taǵaıyndaldy. Osy sport túriniń tizginin ustaǵan otandyq mamandar bul qyzmetke Arman Pashıkıandy laıyq dep tapty.
31 jastaǵy armenııalyq grossmeıster 2005 jyly blısten jasóspirimder arasynda Eýropa chempıony atandy. 2008 jyly Gıýmrı men Martýnıde ótken halaqaralyq týrnırlerde top jardy. О́z eliniń ishki birinshiliginde bir márte chempıondyq ataqqa qol jetkizip, bir ret júldegerler qatarynan kórindi. Bapkerlik qyzmette de ol ózin jaqsy qyrynan kórsetti. 2012 jyly Arman Pashıkıan jetekshilik etken Armenııanyń erler quramasy Ystambulda ótken shahmatshylardyń Dúnıejúzilik Olımpıadasynda bas júldeni oljalady.
Pashıkıannyń eń úzdik shákirtteriniń biri - Levon Aronıan ekenin jankúıerler jaqsy biledi. Aronıan – álem kýbogynyń eki dúrkin jáne Dúnıejúzilik Olımpıadasynyń úsh dúrkin jeńimpazy jáne basqa da kóptegen asa iri halyqaralyq dodalardyń jeńimpazy.
Al elimizdiń tanymal shahmatshylarynyń biri – 45 jastaǵy Pavel Kosýr Qazaqstannyń erler quramasyn jattyqtyrsa, 32 jastaǵy Ánýar Ismaǵambetov balalar men jasóspirimder komandasyn baptaıdy.
Ǵalym SÚLEIMEN,
«Egemen Qazaqstan»