О́ńirlik kommýnıkasııalar qyzmetinde Aqtóbe tarıhyndaǵy alǵashqy sıtkom janryndaǵy «Welcome to Aqtobe» telejobasynyń tusaýkeseri ótti.
Telehıkaıanyń prodıýseri, «Qazaqstan» RTRK AQ Aqtóbe fılıalynyń dırektory Ernur Býrahannyń aıtýynsha, atalmysh joba «Jastar jyly» aıasynda, sondaı-aq, Aqtóbe qalasynyń 150 jyldyǵyna oraı «Qazaqstan RTRK» AQ basshylyǵynyń qoldaýymen júzege asyrylýda.
«Welcome to Aqtobe» ómir, dostyq, shynaıy dostyqtyń qalyptasýy, mahabbat pen satqyndyq týraly áńgimeleıdi, jalpy alǵanda, Aqtóbedegi stýdent jastardyń ózekti máselelerin kórsetedi. Hıkaıanyń segiz keıipkeri Aqtóbege aýdan ortalyqtarynan, Qazaqstannyń ártúrli qalalarynan, sondaı-aq, shetelden kelgen. Kartınanyń negizgi áreketteri stýdentter jataqhanasynyń tórt qyz jáne tórt jigit turatyn eki bólmesinde ótedi. Fılmde keıipkerler túrli jaǵdaılarǵa tap bolyp, oryn alǵan oqıǵalarǵa ár túrli jaýap beretin bolady. On serııanyń ishinde árbir áreket etýshi tulǵanyń sıpaty men taǵdyry ashylyp, kórermender keıipkerlerdiń is-áreketine qarap-aq olardyń árqaısysynyń jeke basyn bile alatyn bolady», - deıdi prodıýser sıýjettiń jelisi týraly.
Ideıanyń avtory Azamat Aınaǵulov, ssenarııin jazǵan О́rken Muqaqov.
«Bul júz paıyz aqtóbelik ónim. Biz ony barynsha shynaıy ári qyzyqty etýge tyrysamyz. Joba basshylyǵynyń basty sharttarynyń biri - fılm Aqtóbe qalasynda jasalyp, oǵan tek aqtóbelik akterler ǵana túsirilýi tıis boldy. Kastıngke 180 adam qatysty. Biz birinshi bólimdi túsirip boldyq, ázirge bári jaqsy shyǵýda. Onyń ústine munda kásipqoılardan quralǵan komanda jumys isteıdi. Biz 2019 jyldyń mamyr - maýsym aılarynda fılmniń birinshi maýsymyn kórsetemiz, eger ónim kórermenge unap jatsa, joba jalǵasy bolýy múmkin. Bizdiń maqsatty aýdıtorııamyz 15-45 jas aralyǵy. Meniń oıymsha, Aqtóbe qalasy burynnan kórkem fılmder jasaý úshin pisip jetildi, qazir bul úshin barlyq alǵysharttar bar», - dedi josparlarymen bólisken joba rejısseri Marat Teleýov .
Telehıkaıa orys tilindegi sýbtıtrlermen qazaq tilinde kórsetiletin bolady.