«Azamattarǵa arnalǵan úkimet» memlekettik korporasııasynyń mıgrasııalyq HQO-sy arqyly kórsetiletin qyzmetter sany tolyǵa tústi. Endi Qazaqstan Respýblıkasyna ýaqytsha keletin sheteldikter men azamattyǵy joq adamdar kóshi-qon qyzmetteri ortalyǵynyń qyzmetine júgine alady. Buǵan deıin bul qyzmet tek IIM kóshi-qon komıteti tarapynan kórsetiletin. Bul týraly «Azamattarǵa arnalǵan úkimet» memlekettik korporasııasy» KEAQ baspasóz qyzmeti habarlady.
18 aqpannan bastap kórsetile bastaǵan jańa qyzmet túrin paıdalaný úshin sheteldik azamattyń ózimen birge kelesi qujattary bolýy tıis:
Qazaqstan aımaǵyna kirýge vızasy bar sheteldiktiń ne azamattyǵy joq adamnyń jeke basyn kýálandyratyn jaramdy qujaty; Shekarany kesip ótkeni týraly belgisi bar kóshi-qon kartochkasy; Erkin túrde jazylǵan qoldaýhat.Qyzmet alýshylar Qazaqstan aımaǵyna 6 aıdan artyq merzimge keletin bolsa, qosymsha toltyrylǵan 2 mekenjaıǵa kelý paraǵyn, kelý paraǵyna toltyrylǵan statıstıkalyq esepke alý talony men 3,5*4,5 kólemindegi bir fotosýret tapsyrýy kerek.
Mıgrasııalyq HQO arqyly sheteldikter bir kúnniń ishinde tirkeýge tura alady. Mundaı ortalyq memlekettik qyzmetterdi jyldam ári esh kedergisiz alýǵa múmkindik beredi, jemqorlyq áreketine jol bermeıdi.
Jańadan qosylǵan qyzmetten bólek, munda sheteldikter jumys isteýge ruqsat beretin qujatty alyp, QR aýmaǵyna ýaqytsha keletinder jeke sáıkestendirý nómirin rásimdeı alady. Esterińizge sala keteıik, elimizdiń 13 qalasynda kóshi-qon qyzmetteriniń ortalyǵy jumys isteıdi. Taǵy tórt (Pavlodar, О́skemen, Taraz, Túrkistan obl.) Mıgrasııalyq HQO jyl sońyna deıin ashylatyn bolady.