О́tken jyl megapolıs ekonomıkasyna ınvestısııa tartý boıynsha tarıhı kórsetkishke qol jetkizildi. Bul týraly elorda ákimdiginiń resmı saıty habarlady.
«Astana – kásipkerler qalasy. Turaqty ári serpindi damý úshin ınvestısııalyq salymdar qajet. О́tken jyly qalaǵa 1 trln teńgeden astam ınvestısııa quıyldy. Bul – Astana úshin tarıhı rekordtyq kórsetkish. Bıyl ınvestısııa ósimi jalǵasýda. О́nerkásip, densaýlyq saqtaý, saýda, qyzmet kórsetý syndy salalarda da ınfhvestısııa kóleminiń ósim baıqalady», – dedi Astana qalasynyń ákimi Baqyt Sultanov halyqqa esep berý kezdesýinde.
Onyń aıtýynsha, Astanaǵa tartylǵan ınvestısııalardyń jalpy kóleminiń tórtten biri sheteldik ınvestorlarǵa tıesili. Investısııanyń jalpy kóleminiń 86%-y – shaǵyn jáne orta bıznestiń salymy. Qala ınvestısııalaryn jeke bastamalar quraıdy.
«El boıynsha shaǵyn jáne orta bıznestiń eń joǵary úlesi – Astanada. Naqtyraq aıtqanda, ol qalanyń jalpy óńirlik óniminiń 61%-yn qamtyp otyr. Qalada 120 myńnan astam bıznes sýbektileri jumys isteıdi. Bul ótken jylmen salystyrǵanda 20%-ǵa artyq. Búgin bıýdjetke salyq túsimderiniń jartysynan astamy (57%) – shaǵyn jáne orta bıznes salyqtary», – dep atap ótti Sultanov.
Kásipkerlerdi qoldaý úshin Memlekettik baǵdarlamalar belsendi paıdalanylýda. Osy sharalardyń barlyǵy qolda bar 9 myńnan astam jumys ornyn saqtaýǵa jáne 6,3 myńnan astam jańa jumys ornyn qurýǵa múmkindik berdi. Kásipkerlerdi qoldaýdyń taǵy bir tetigi Elbasynyń bastamasymen júrgiziletin salyqtyq raqymshylyq bolyp tabylady. Jınalǵan salyqtardan bosatý shaǵyn jáne orta bızneske óndiristi ulǵaıtýǵa, al jalpylaı alǵanda, tabysty arttyrýǵa jáne ómir súrý sapasyn jaqsartýǵa múmkindik beredi.
«Memleket basshysynyń tapsyrmasy boıynsha Astana kásipkerleriniń kartasy ázirlenýde. Bul árbir kásipker boıynsha egjeı-tegjeıli derekter bazasy bolady, onda jalpy málimetterden basqa, olardyń ózekti mártebesi kórsetiledi. Dálirek aıtqanda, kásipker nesıesiniń bar-joǵy, ol bankrotqa ushyraı ma, salyq tóledi me, qandaı mamandarǵa muqtaj ekendigin kórsetedi. Qazir derekterdi jańartyp, jaǵdaıdy naqty ýaqyt rejıminde baqylaýǵa múmkindik beretin portaldy ázirleý múmkindigi qarastyrylýda», – dep atap ótti Astana ákimi.
Statıstıkterdiń málimetterine sáıkes, Qazaqstannyń elordasynda ónerkásip kóleminiń 6,7%-ǵa ósimi baıqalady. О́tken jyly qalada 7 joba iske qosylyp, sonyń esebinen 700-den astam jańa jumys orny ashyldy.