Almatyda azqamtylǵan otbasy balalary balabaqshalarǵa tegin baratyn bolady dedi qala ákimi Baýyrjan Baıbek.
«Baqytty otbasy» baǵdarlamasy aıasynda az qamtylǵan otbasylar úshin ekinshi baladan bastap balabaqshalarǵa tegin baratyn bolady», - dedi B.Baıbek búgin halyqpen esepti kezdesý barysynda.
Bul rette, ákim atap ótkendeı, bul byltyrmen salystyrǵanda memtapsyrysty 1,8 mlrd teńgege arttyrý esebinen múmkin boldy.
«Bárimizge belgili, ata-analar balabaqshalardaǵy balalardyń tamaqtanýyna ǵana 18 myń teńge tóleıdi, qalǵan 27 myń teńgesin memleket sýbsıdııalaıdy. Tek byltyr ǵana memleket tapsyrysy boıynsha balabaqshalardaǵy 51 myń orynǵa 16 mlrd teńge bólindi. Bıyl bul soma 1,8 mlrd-qa kóp», - dep atap ótti B. Baıbek.
Qala ákimi keltirgen aqpar boıynsha, búginde az qamtylǵan otbasylardan shyqqan 14 myń bala mektepterde ystyq tamaq ishedi, 3475 bala – mektep formasyn, 2333 bala - qarjylaı kómek, 4050 bala jazǵy demalys lagerlerine joldama aldy.