Bıyl EKSPO pavılondarynyń birinde «IDEA Park» úzdik sheshimder keńistigi ashylady. Onda eń perspektıvaly tehnologııalar usynylatyn bolady, dep habarlaıdy elorda ákimdiginiń resmı saıty.
Astana qalasynyń ákimi Baqyt Sultanov halyqqa esep berý kezinde qalada engizilip jatqan jańa texnologııalar týraly aıtyp berdi.
«Innovasııalardy engizý – bul tehnologııalar arasyndaǵy jarys emes. Bul – básekeli kúrestiń qýatty quraly. Innovasııanyń ereksheligi de osynda. Elordada «Aqyldy qalanyń» zamanaýı sıfrlyq tehnologııalary engizilýde. Bul – úlken derekterdi jınaý jáne taldaý júıesi, «Sergek» beıne-baqylaý júıesi, Smart bilim berý, Smart Medısına, Elektrondy PIK jobalary. Bul – kommýnaldyq-turǵyn úı salasyn sıfrlandyrý», – dedi Baqyt Sultanov.
Onyń aıtýynsha, bıyl qalada «aqyldy jaryqtandyrý» jobasy aıasynda 31 myń sham aýystyrylady. Bul tehnologııa qurylǵylardy qosýdy, derekterdi jınaýdy jáne analıtıkalyq aqparatty alýdy qamtamasyz etýge, shyǵyndardy qysqartýǵa jáne jumys tıimdiligin arttyrýǵa múmkindik beredi. Isin jańa bastaǵan kásipkerler qolaıly ınnovasııalyq orta qurýdy kózdeıdi.
«Aǵymdaǵy jyldyń sáýir aıynda kásipkerler men ınnovatorlardy biriktiretin qalalyq ınnovasııalyq alańdy ashýdy josparlap otyrmyz. Bul TMD-da «Seedstars» basqaratyn alǵashqy kovorkıng-ortalyq bolady, olardyń jelisine álemniń ár túrli elderinen 70 myńnan astam startapshy, kásipkerler men ınvestorlar kiredi. Joba «Seedstars» Halyqaralyq bıznes akseleratorymen birlesip iske asyrylady», - dedi B.Sultanov.
Sonymen qatar osy jyly EKSPO pavılondarynyń birinde ákimdik "IDEA Park" úzdik sheshimder keńistigin ashady. Onda Astanada aqyldy qala salasynda qoldanýǵa bolatyn perspektıvaly tehnologııalar: vırtýaldy shyndyq, zattar ınterneti, smart city tehnologııalary, robottar jáne basqa trendtik tehnologııalar usynylady.