Bul týraly О́ńirlik kommýnıkasııalar qyzmetiniń kóshpeli baspasóz konferensııasynda «Aqtóbe» ÁKK UK AQ-nyń basshysy Ánýar Mahanov málimdedi.
Onyń aıtýynsha, oblystyń azyq-túlik qaýipsizdigin qamtamasyz etý maqsatynda óz óndirisi esebinen «Agrogektar» áleýmettik baǵdarlamasy júzege asyrylýda.
«Baǵdarlama iri eldi mekender men sý qoımalaryna jaqyn mańdaǵy paıdalanylmaıtyn sýarmaly jer telimderin «Aqtóbe» ÁKK teńgerimine resimdeýdi kózdeıdi. Qajetti ınfraqurylym júrgiziletin Áıteke bı, Alǵa, Muǵaljar, Temir, Hromtaý aýdandary men Aqtóbe qalasyndaǵy jer telimderi tamshylatyp sýarýdy qoldanýdyń mindetti shartymen kókónis jáne baqsha daqyldaryn ósirýge jalǵa beriledi. Bul kókónis pen baqsha daqyldary óndirisiniń kólemin arttyrýǵa múmkindik beredi, ishki naryqtaǵy baǵany tómendetedi jáne turaqtandyrady, sondaı-aq, ónim eksporttaýǵa múmkindik týǵyzady», - dedi spıker.
Kadrlyq qamtamasyz etý, aýylda turaqty eńbek aqy tóleý jáne aýyl sharýashylyǵy taýaryn óndirýshilerdi qoldaý máselesin sheshý maqsatynda ÁKK Ekinshi deńgeıdegi banktermen birlesip etti mal sharýashylyǵy aýyl sharýshylyǵy taýaryn óndirýshilerge nesıe berýdi kózdeıtin «Kómek» jalaqy jobasy iske asyrylýda, ol salyq tólemderin aýdarý jáne ár qyzmetkerdiń kartochkalyq shottaryna aı saıyn qarajat aýdarý arqyly júzege asyrylady.
«Joba 2019-2021 jyldarǵa eseptelgen, birneshe jyl ishinde 500 sharýashylyq qamtylyp, 160 myń adam áleýmettik tıimdilikti sezinetin bolady», - dep atap ótti Ánýar Mahanov.