Qazaq ulttyq qyzdar pedagogıkalyq ýnıversıtetinde Halyq ártisi, Qazaqstannyń Eńbek Eri, Muhtar Áýezov atyndaǵy Qazaq memlekettik akademııalyq drama teatrynyń kórkemdik jetekshisi Asanáli Áshimovpen kezdesý ótti.
Jıyn barysynda aty ańyzǵa aınalǵan akterdiń shákirtterinen qurylǵan «Jańa ǵasyr» teatrynyń «Sońǵy qońyraý» qoıylymy kópshilik nazaryna usynyldy.
– Memleket basshysy bıylǵy jyldy Jastar jyly dep jarııalady ǵoı. О́skeleń urpaqqa, talantty jastarǵa naqty qoldaýymyz bolsyn dep jańa teatr ashqan bolatynbyz. Búginge deıin óner ujymynyń repertýarynda 7 qoıylym bar. Sonyń ishinde shoqtyǵy bıik Muhtar Áýezovtyń «Qaragóz» dramasy, I. Mıchchıdiń «Arystandar patshalyǵy» mýzykalyq dramasy jáne Eldar Tashkenbaıdyń «Sońǵy qońyraý» poetıkalyq dramasy kórermenniń ystyq yqylasyna bólendi. Sahnalanǵan spektaklderdiń janry da, ıdeıasy da, pishini men minezi de árqıly. Bir-birine uqsamaıdy. Teatr ártisteriniń barlyǵy da meniń shákirtterim. Kelesheginen úlken úmit kútetin jastar, – deıdi A. Áshimov.
Atap aıtqanda, teatrdyń 30 ártisi qazaq óneriniń qarashańyraǵy T. Júrgenov atyndaǵy Qazaq ulttyq óner akademııasynda Teatr óneri fakýltetiniń Asanáli Áshimov sheberhanasynda 2014-2018 jyldary aralyǵynda bilim alǵan. Bıylǵy jyldyń qańtar aıynda qurylǵan teatrdyń kórkemdik jetekshisi – Asanáli Áshimov, rejısseri – Talǵat Kýbekov.
Qyzdar ýnıversıtetiniń ujymy men stýdentteriniń nazaryna usynylǵan «Sońǵy qońyraý» dramasy dostarǵa degen rııasyz shynaıy kóńil, bala mahabbat pen aýyldyń búgingi tynys-tirshiligin beıneleıdi. Oqıǵa jelisi basty keıipker Oraz ben onyń joldastary arasynda órbip, túrli adamnyń bolmys-bitimin ashady.
Shyǵarma avtory Eldar Tashkenbaıdyń aıtýynsha, qoıylym keıipkerleriniń barlyǵy meıirimdi, bir-birine súıispenshilikpen qaraıtyn jastar. Drama osynysymen ózekti.
– Almatydan aýyldaǵy mektepke bir oqýshy qyz bala aýysyp keledi. Ony kórgen synyptasy boıjetkenge ǵashyq bolyp, onyń ómirge degen kózqarasy men jan dúnıesi ózgeredi. Alǵashqy kirshiksiz sezim, shynaıy mahabbat bozbalany jaqsy qasıetterge yntalandyrady, – dep atap ótti E. Tashkenbaı.
Qoıylym aldynda Asanáli Áshimov jınalǵandar aldynda sóz alyp, teatrdy ashýdaǵy basty maqsatyn atap ótti. Sondaı-aq ol «Jan bólek», «Maıranyń áni» atty kitaptaryn Qyzdar ýnıversıtetiniń rektory Gaýhar Aldambergenovaǵa syıǵa tartty. О́z kezeginde oqý ornynyń basshysy Halyq ártisine izgi nıetin bildirip, syı-sııapat kórsetti.
– Tarıhı sanany jańǵyrtyp, bekzat ónerdi órge súırep kele jatqan óner ujymy otandyq mádenıettiń damýyna zor úles qosady dep senemin. О́ner men mádenıet – ulttyń ulylyǵyn aıshyqtaıtyn halyqtyń asyl murasy, parasaty men bet-beınesi. О́rkenıetti memleket eń aldymen álemdik mádenıettiń altyn qoryna qosqan qomaqty úlesimen ózgelerden bási basym bolmaq. «Has sulýdyń kóz jasyndaı móldir óner» – teatr salasynyń órkendeýine jáne elimizde tájirıbeli óner adamdarynyń mektebin qalyptastyrýda Sizderdiń ózindik alar oryndaryńyz bar dep oılaımyn. Jasampaz halqymyzdyń jáne jas urpaqtyń boıyna ulttyq qundylyqtardy sińirip, jańalyqtyń jarshysy bolyp kele jatqan teatr ujymyna zor alǵysymdy bildiremin. Ujym múshelerine zor densaýlyq, otbasylaryna baıandy baq-bereke, shyǵarmashylyq tabys tileımin, – dedi óz sózinde Gaýhar Aldambergenova.
Sonymen qatar kesh barysynda T. Júrgenov atyndaǵy Qazaq ulttyq óner akademııasynyń rektory Ashat Maemırov óner ólkesine qadam basqan jastarǵa aq jol tilep, bastamaǵa qoldaý bildirdi.
– Sahnanyń kıesi men uly ónerdiń qudiretine degen sheksiz hám shynaıy mahabbat bizdi «Jańa ǵasyrǵa» alyp keldi. Halqymyzda «El ishinde óner bar, ónerdi tapqan sheber bar» degen ulaǵatqa aınalǵan uly sóz bar. Qazaq teatry men kınosynyń korıfeıi Asanáli aǵamyzdan tálim-tárbıe alǵanymyz biz úshin úlken maqtanysh, zor abyroı, úlken mektep. Sondaı-aq biz úshin qoǵamdyq oı-sananyń sharyqtaý shegi men adamı dúnıetanymnyń jemisi bolyp tabylatyn teatr óneriniń orny bir tóbe. Bolmys-bitimi árqıly keıipkerlerdiń rólin oınaý arqyly máńgilik sezimge toly bekzat ónerdiń qyr-syryn meńgere túsemiz, – deıdi teatr ártisteri.
Jandar ASAN