Dástúr men qazirgi zaman toǵysynda

Dástúr men qazirgi zaman toǵysynda

Juma, 8 maýsym 2012 7:40

lordada Ázerbaıjan Respýblıkasy mádenıeti kúnderiniń resmı ashylýy barysynda «Ázerbaıjan: dástúr men qazirgi zamannyń to­ǵy­sýy» atty   kórme ótti.

Ázerbaıjan – jeriniń keńdigi men halqynyń sany jaǵynan Kavkaz elderi arasynda jetekshi oryndaǵy memleket, Iаǵnı, jer aýmaǵy 86,6 myń sharshy shaqyrymdy alyp jatsa, turǵyndary 8 mıllıonnyń ús­tinde. Keshegi kórmede memlekettiń astanasy Baký qalasynyń qazirgi sán-saltanaty beınelengen sýretter aıshyqty kórinedi.  Kórme barysynda biz Ázer­baıjan Respýblıkasy Memle­ket­tik kartınalar galereıasy­nyń dırektory Elnýr Gýseınovty áńgi­mege tartqan bolatynbyz.

 

Juma, 8 maýsym 2012 7:40

lordada Ázerbaıjan Respýblıkasy mádenıeti kúnderiniń resmı ashylýy barysynda «Ázerbaıjan: dástúr men qazirgi zamannyń to­ǵy­sýy» atty   kórme ótti.

Ázerbaıjan – jeriniń keńdigi men halqynyń sany jaǵynan Kavkaz elderi arasynda jetekshi oryndaǵy memleket, Iаǵnı, jer aýmaǵy 86,6 myń sharshy shaqyrymdy alyp jatsa, turǵyndary 8 mıllıonnyń ús­tinde. Keshegi kórmede memlekettiń astanasy Baký qalasynyń qazirgi sán-saltanaty beınelengen sýretter aıshyqty kórinedi.  Kórme barysynda biz Ázer­baıjan Respýblıkasy Memle­ket­tik kartınalar galereıasy­nyń dırektory Elnýr Gýseınovty áńgi­mege tartqan bolatynbyz.

«Ádette Ázerbaıjan ataýy estilse, TMD-daǵy basqa halyqtar kóz aldyna aýa raıy qolaısyz, ystyq jerdi elestetedi. Biraq, bizdiń eldiń tabıǵaty bir mezgilde júz kúıdirerdeı ystyqtyǵymen ári máńgi qar basyp jatatyn taýlarymen erekshe. Ońtústik jáne soltús­tik aýdandardyń jyldyń bir mez­gi­linde túrli beınede qubylýy, qazirgi ósken, órkendegen Bakýdiń kelbeti, eski arhıtektýralyq eskertkishteri­miz, qyzyl kitapqa engen sırek aǵashtar, shańǵy kesheni  – mine, biz­diń sizderge kórsetetin kartınalarymyz. Osynda kelerdiń aldynda sý­retterdi irikteýden ótkizdik. So­nyń ishinde E.Halılov, L.Ahýnzade, F.Haırýllın syndy fotograftar­dyń sýretteri tańdap alyndy. Bar-joǵy 43 kartına. Sonyń ózi-aq Ázerbaıjan týraly kóp málimet be­redi degen oıdamyz», – dedi Elnýr Gýseınov.

Ázerbaıjan   Respýblıkasy – 64 aýdan men Taýly Qarabah atalatyn bir oblysty, sondaı-aq, Nahıchevan avtonomııalyq respýblıkasyn birik­tirip otyrǵan memleket. Qazirgi tań­da bul eldiń týrızmdi damytýǵa kúsh salyp jatqany baıqalady. Kór­me­degi fotosýretterge qosa qo­ıyl­ǵan kitaptar men býkletter osy sózi­miz­ge dálel syndy. Nege de­seńiz munda negizinen týrızmge qo­laıly jerler, demalys oryndary, meıramhanalar men ondaǵy as má­zirleri, ekzotıka úshin eski shaharlar, murajaılar, keseneler týraly ázerbaıjan jáne aǵylshyn til­de­rin­de  jazylǵan aq­parattar qoıylǵan.

«Jaqsyny kórmek úshin» degendeı, biz de biraz tamashalap, sondaǵy túıgenimiz mynaý: Elde 130-dan asa murajaılar men olardyń fılıaldary jumys isteıdi. Eń basty mura­jaılardyń qatarynda Ázerbaıjan tarıhy murajaıy atalsa, odan keıingi orynda Ázerbaıjan ki­lem­deri men qoldanbaly óner mura­jaıy kelýshi­ler­di qyzyqtyratyn kórinedi.  Momýne Hatýn, Iýsıf ke­se­neleri, Apsheron jarty aralyn­daǵy munaralar – eldiń qazynasy ispetti. Beık tash, Gobýstan, Kıchık tash, Djıngırdag taýlarynda ázerbaıjan halqynyń tas zamanynan bergi tarıhynan syr shertetin tas­ta­ǵy jazýlar, ejelgi adamdardyń  tu­raq­tary,   qabirleri, tas qamaldar osy ýaqytqa deıin saqtalǵan. Tek Baký qalasynyń ózinde Icherısheher qama­ly, Gyz kalasy munarasy, Shır­van­shah áýletiniń saraıy, Synyk kala mınareti, Seıd Iаhıa kese­ne­si syndy  aldy 7-shi ǵasyrda, sońy 15-shi ǵa­syr­larda salynǵan es­kertkishter bar eken. Árıne bunyń bári týrızmniń damýyna sebep bolady desek, onda barǵan adamdardy qandaı jaǵdaı kú­tip turǵany bólek másele. Bul jaǵyn da eskergen ázerbaıjandar kórmede ózderiniń meıramhanalary men as mázirin jarnamalaýdy da umytpapty. Batys pen Shyǵystyń as máziri, jul­dyzdy qonaqúıler, demalys oryn­dary esepteletin sanatorııler men kýrorttar qazirgi zamandaǵy Ázer­baı­jannyń  bet-beınesin aıshyqtap tur­ǵandaı.

Aıgúl SEIILOVA,

«Egemen Qazaqstan».