Qazaqstan Úndistan men Pákistan arasyndaǵy áskerı-saıası jaǵdaıǵa baılanysty alańdaýshylyq bildiredi. Bul týraly Syrtqy ister mınıstrliginiń baspasóz qyzmeti habarlady.
«Qazaqstan eki el arasyndaǵy ashyq jáne konstrýktıvti saıası-dıplomatııalyq dıalog qazirgi daǵdarystan shyǵýdyń jalǵyz tıimdi jáne qolaıly joly dep sanaıdy.
Qazaqstan taraptardy, eń aldymen, ahýaldyń odan ári ýshyǵýyn aldyn alý úshin aımaqtyq jáne jahandyq qaýipsizdiktiń negizgi múddelerine negizdelgen barynsha sabyrlylyq pen halyqaralyq quqyq normalaryn saqtaýǵa shaqyrady» delingen Syrtqy ister mınıstrliginiń málimdemesinde.