Berdibek Saparbaev: Járdemaqy 1 shildeden bastap tólene bastaıdy

«Nur Otan» partııasynyń sezinde Elbasy az qamtylǵan jáne kóp balaly otbasylar tobyna ataýly áleýmettik kómek kórsetýdiń jańa tártibi jaıynda eleýli memlekettik bastamalar usyndy. Olar halyqtyń ál-aýqatyn jaqsartýǵa tıimdi yqpal etedi. Birinshiden, kúnkóri­si tómen, onyń ishinde kóp balaly ot­ba­sy­lardy  qoldaý sharalaryn qam­tý men kú­sheıtýdi keńeıtý qolǵa alyn­baq. 1 shil­­dege deıin kúnkóris deńgeıi 14 830 teń­ge bolady, al 1 shildeden bastap 20 789 teńgege kóbeıedi. Bul - 18 jasqa deıin tólenedi. Eger balalar oqıtyn bolsa, onda 23 jasqa deıin tólenedi. Buǵan qosa, ata-anasynyń tabystary kúnkóris deńgeıinen kem bolsa, qosymsha járdemaqy tóle­nedi. Eger bul kómekti osy ýaqytqa deıin 570 myń adam alyp kelse, endi 260 myńǵa kóbeıip, ıaǵnı 830 myń qazaqstandyqtyń áleýmettik kómekti alý múmkindigi bolady. Bir ot­ba­syn mysalǵa keltirsek, 4 balaly jal­ǵyzbasty otbasy delik. Eger 1 shil­­dege deıin tabysy joq bolǵan soń ot­basy 63 myń teńge ataýly áleý­­me­ttik kómek alatyn bolsa, 1 shil­de­den bastap bul 40 myń teńgege kó­be­ıe­di. Iаǵnı, 103 945 teńge bolady. Al qosymsha tólemderdi eseptegende ot­­ba­synyń jalpy bir aılyq tabysy 114 448 teńgeni quraıdy.

Balalarǵa beriletin 21 myń teńge­den bólek, ata-anasyna da qosym­sha aqy tólenedi. Osy ýaqytqa deıin ataý­ly kó­mekti bir adamǵa shaqqanda kún­­kóris deń­geıiniń 50 paıyzynan, ıaǵnı 14 849 teńge­den aspaıtyn otbasylar alsa, endi Prezı­dent tapsyrma­sy boıynsha atalǵan kórset­kish 70 pa­­ıyzǵa, ıaǵnı 20 789 teńgege deıin kóterilip otyr. Demek, kóp balaly ot­ba­synyń jalpy tabysyn árbir adamǵa bólgende aqshanyń soma­sy kúnkóris deńgeıiniń 70 paıyzyna, ıaǵ­nı 20 789 teń­gege jetpese, ár ba­laǵa 21 myń teń­ge­niń járdemaqysy be­riledi. Eger ot­basy­­nyń ár múshe­sine shaqqanda tabys kún­­kóris deń­­geıinen (70 paıyzdan) tómen bol­sa, aıyr­­mashylyq 10 myń teńge bo­la ma, 7 myń teńge bola ma, ata-anasyna qosymsha tó­­lenedi. Odan keıingi eń úlken jeńildik, bu­­ryn tabysty eseptegende «Altyn alqa», «Kúmis alqa», kóp balaǵa beriletin jár­de­m­aqy, múgedekterdiń járdemaqysy men stı­pendııasy sanalatyn. Endi onyń bári esepke alynbaıdy. Barlyq zańdar men qaýlylarǵa ózgeris engizýimiz kerek. Sóı­tip, onyń barlyǵyn Parlamentke ót­kizemiz. Járdemaqy 1 shildeden bastap tólene bastaıdy.

Berdibek SAPARBAEV,

Eńbek jáne halyqty áleýmettik qorǵaý mınıstri