Sársenbi kúni Máskeýde Qazaqstan Respýblıkasynyń Premer-Mınıstri Kárim Másimov pen Reseı Federasııasy Úkimetiniń Tóraǵasy Vladımır Pýtınniń kezdesýi bolyp ótti.
Kelissózder barysynda eki jaqty saýda-ekonomıkalyq qyzmettestikti odan ári damytý, onyń ishinde ǵarysh, elektr energııasy salalary, sondaı-aq atom ónerkásibi salasynda da jetildirý máseleleri talqylandy. Sol sııaqty Qazaqstan men Reseıdiń jumys istep turǵan Keden odaǵy jáne Birtutas ekonomıkalyq keńistik qalyptastyrý úderisi sheńberindegi ózara is-qımyldarynyń kókeıkesti máseleleri de áńgime arqaýyna aınaldy.
Alǵa qoıylǵan mindetterdi sheshýde aıtarlyqtaı úlken alǵa basýshylyqtarǵa qol jetkizildi. Meniń oıymsha biz kelisken 1 shildege deıin barlyq mindetter óz sheshimin tabýǵa tıis, dep atap kórsetti K.Másimov.
Integrasııalyq úderisterde Qazaqstan postkeńestik keńistikte naǵyz kóshbasshy bolyp tabylady jáne Keden odaǵyn qurýda kóp jumystar atqardy, dedi V.Pýtın óz kezeginde.
Kezdesý sońynda K.Másimov pen V.Pýtın Qazaqstan men Reseı arasyndaǵy jemisti saýda-ekonomıkalyq qyzmettestik pen áriptestik qarym-qatynastardyń tabysty damı beretinine senim bildirdi.
Premer-Mınıstrdiń baspasóz qyzmeti.