EÝROPAMEN ARADA KО́PIR BOLÝǴA DAIYN

Qazaqstan Respýblıkasy Parlamenti Májilisiniń Tóraǵasy Oral Muhamedjanov burnaǵy kúni elimizge memlekettik saparmen kelgen Rýmynııa Respýblıkasynyń Prezıdenti Traıan Baseskýmen kezdesip, ekijaqty qarym-qatynastar máseleleri barysy týraly áńgimelesti. Spıker óz sózinde ekijaqty qarym-qatynastarda, sondaı-aq halyqaralyq saıasatta eki eldiń arasynda eshqandaı problemalar men qaıshylyqtardyń joqtyǵyn atap ótti. Eýropa Odaǵy elderi­men áriptestik ornatý Qazaqstan syrtqy saıasatynyń mańyzdy bir basymdyǵy bolyp qala beredi. Ekijaqty qarym-qatynastar ir­getasynyń nyǵaıýyna Qazaqstan tarapynan qabyldanǵan “Eýro­pa­ǵa jol” baǵdarlamasy men Eý­ro­pa Odaǵynyń Ortalyq Azııa elderi jónindegi ustanǵan stra­tegııasy óz septigin tıgizip otyr. Sondyqtan Rýmynııa Prezı­denti­niń bul sapary ekijaqty qa­rym-qatynastardy damytýdyń nyshanyna aınalýy tıis, dedi. Oral Baıǵonysuly. Parlament jumysy jáne el­degi jaǵdaı týraly qysqasha aıta ketken spıker “Búgingi tańda Májiliste Elbasynyń bıylǵy Joldaýynda jarııa etilgen Qa­zaqstannyń 2020 Strategııalyq josparyn júzege asyrýdyń ne­gizin qalaıtyn zań jobalary qa­ralyp jatyr. Sol sekildi ındýs­trııalyq-ınnovasııalyq baǵdar­la­malardyń oryndalýyn qamta­ma­syz etetin zańdar qabyldanýy kerek”, – dedi. Májilis Tóraǵa­sy mártebeli meımanǵa elimizdiń atyna aıtqan jyly lebizi úshin rızashylyǵyn jetkizip, eki mem­leket basshylary­nyń dostyq baılanysynyń arqasynda ynty­maq­tastyq qarym-qatynas jańa deń­geıge kóterile­tinine senim bildirdi. T.Baseský óz kezeginde Rýmy­nııa Qazaqstannyń EQYU-ǵa tóraǵalyq etýin birden qoldaǵan memleket ekenin, Qazaqstan Pre­zıdenti Nursultan Nazarbaevtyń Astanada EQYU-nyń sammıtin ótkizý týraly bastamasyn da qoldaıtynyn jetkizdi. “Bizdiń el Qazaqstanmen aradaǵy qarym-qatynasty nyǵaıta túsýdi maqsat tutady. О́ıtkeni, Qazaqstan – Ortalyq Azııadaǵy saıası turaq­ty­lyǵy saqtalǵan, keleshegi zor memleket. Qazaqstan men Eýro­palyq Odaq arasynda Rýmynııa yntymaqtastyq kópiri rólin at­qara alar edi. Qazaqstan kásip­ker­leri bizdiń elge kelip, odan ári Eýropanyń ózge memleket­te­ri­ne baryp, ózderiniń qyzmet­te­rin damytýyna tolyq múmkindik bar”, – dedi Rýmynııa Pre­zı­denti. Osy rette Traıan Baseský Nur­sultan Nazarbaevtyń Qazaq­stan­nyń beldi degen saıasat­ker­lerimen kezdesýge múmkindik jasaǵany úshin rızashylyǵyn jetkizdi. О́ziniń bul sapary bir ǵana maqsatty, ıaǵnı ekijaqty árip­testikti nyǵaıtý maqsatyn kóz­deıtindigin atap kórsetti. Már­tebeli meıman óz eliniń Or­talyq Azııa men Eýropa Odaǵy aı­maǵyn jalǵastyratyn kópir bolýǵa daıyn ekendigin de qaı­talaı jetkizdi. Árıne, mundaı ról­di atqarý úlken jaýapker­shi­lik júktese, bul oraıda Qazaq­stanmen tyǵyz qarym-qatynas ornatýdyń máni de erekshelene túsedi. Ekeýara áńgime barysynda Májilis Tóraǵasy Rýmynııa Qa­zaq­stannyń Ortalyq-Shyǵys Eýro­padaǵy basty ekonomıkalyq áriptesi ekenin atap ótti. Álem jurtshylyǵyn áýrege salǵan qar­jy daǵdarysy da eki eldiń ara­syn­daǵy saýda aınalymyna kóp áserin tıgize qoımaǵan. Kezdesýden keıin Rýmynııa Prezıdenti Má­jilistiń qurmetti qonaqtar kita­byna tilegin jazyp, qoltańbasyn qaldyrdy. Osy kezdesýge Májilis depýtattary Ámzebek Jolshy­bekov, Gúljan Qaraǵusova jáne Natalıa Gellert qatysty. Sol kúni mártebeli meıman Qa­zaqstan Respýblıkasy Prezı­denti janyndaǵy Memlekettik bas­qarý akademııasynyń profes­sor­lyq-oqytýshylar quramymen jáne tyndaýshylarymen kezde­sip, olardyń aldynda leksııa oqy­dy. Onyń taqyryby Qazaq­stan-Rýmynııa qarym-qatynasyn damytý men óńirdegi ahýalǵa arnaldy. Artynan ol Tuńǵysh Prezıdent murajaıyn aralap, onda qoıylǵan eksponattarmen tanysty. Odan keıin Otan qorǵaýshylar monýmentindegi máńgi alaýǵa gúl shoqtaryn qoıdy jáne “AstanaBasJospar” ǵımaratyn­da bolyp, Astananyń damýy ba­ry­synan jan-jaqty maǵlumat aldy. Tús aýa Rýmynııa Prezı­den­ti Qaraǵandy qalasyna ushyp ketti.