Beısenbi, 19 sáýir 2012 7:43
Egıpettiń ortalyq saılaý komıssııasy aldaǵy ótetin prezıdenttik saılaý dodasynan «Musylman baýyrlar» ıslamıstik qozǵalysynyń úmitkeri Haırat ash-Shatyrdy, radıkaldy salafıttik baǵytty nasıhattaýshy Hazem Salah Abý Ismaıldy jáne Múbarak bıligi kezinde arnaıy qyzmettiń basshysy bolǵan Omar Sýleımandy shyǵaryp tastady.
Beısenbi, 19 sáýir 2012 7:43
Egıpettiń ortalyq saılaý komıssııasy aldaǵy ótetin prezıdenttik saılaý dodasynan «Musylman baýyrlar» ıslamıstik qozǵalysynyń úmitkeri Haırat ash-Shatyrdy, radıkaldy salafıttik baǵytty nasıhattaýshy Hazem Salah Abý Ismaıldy jáne Múbarak bıligi kezinde arnaıy qyzmettiń basshysy bolǵan Omar Sýleımandy shyǵaryp tastady.
Budan basqa saılaý dodasynan taǵy 7 adam shettetildi. Osylaısha ústimizdegi jyldyń 23-24 mamyryna josparlanyp otyrǵan prezıdenttik saılaýǵa 23 saıasatkerdiń 10-y shyǵyp qaldy. Birinshi, ne ekinshi oryndy ıelenýden úmitti Ash-Shatyr bes ret túrmede otyrǵan eken. Al egıpettik zańnamada sottalǵan adamnyń memlekettik laýazymdy ıemdenýge quqy joq.
Eýroaımaq Japonııa úshin de mańyzdy
Japonııanyń qarjy mınıstri Dzıýn Adzýmı óz eliniń Eýropadaǵy nesıelik daǵdarystyń keń etek jaıyp ketpeýimen kúresý úshin Halyqaralyq valıýta qoryna 60 mıllıard dollar beretinin málim etken. Bul jóninde NHK telearnasy málim etti.
Qazirgi kezde Japonııa eýroaımaqqa jatpaıtyn G20 elderiniń arasynda mundaı qadamǵa barǵan birinshi el bolyp otyr. Adzýmıdiń sózine qaraǵanda, HVQ nesıelik qabilettiligi Japonııa men Azııa úshin ǵana emes, sondaı-aq eýroaımaq elderi úshin de mańyzdy. Japonııa ózge elder de osyndaı qadamǵa barady degen úmitte ekendikterin jasyrmady.
Venesýela Iranǵa munaı satpaıdy
Venesýela ótken jyldyń sońy men aǵymdaǵy jyldyń basynda Sırııa ótinishi boıynsha osy elge 600 myń barrel dızel otynyn jóneltkeni belgili bolyp otyr. Eger taǵy ótinish tússe, Venesýelanyń munaı mınıstri ony da qanaǵattandyratyndyqtaryn jetkizdi.
Alaıda mınıstr Iranǵa munaı jóneltilmegendigin jáne ondaı oıdyń josparda da joqtyǵyn alǵa tartqan. Qazirgi kezde AQSh jáne birqatar Batys elderi Iran beıbit atom baǵdarlamasy aıasynda jasyryn ıadrolyq qarý jasaýda dep aıyptap otyrǵan jaıy bar. Osy elge BUU Qaýipsizdik Keńesiniń tórt qarary qabyldanǵan bolatyn.
Aýǵanstan 2 mıllıard dollar surady
Aýǵanstan prezıdenti Hamıd Karzaı ústimizdegi jyldyń 17 sáýirinde eger AQSh el aýmaǵyn tastap shyǵatyn bolsa, onda osy eldiń ókimetine jyl saıyn kem degende 2 mıllıard dollar tóleýi tıis dep málimdegen.
Eldiń basshysy Kabýldaǵy ýnıversıtette sóılegen sózinde bylaı dedi: «Olar aqsha beremiz deıdi, biraq kólemin aıtpaıdy. Biz azǵa da kelisemiz, biraq ta ol kelisim-shartta kórinis tabýy tıis». Keıbir kongressmender amerıkalyq qarjynyń Aýǵanstanda qoldy bolyp jatqanyn aıtady. Soǵan qaraǵanda, bul máseleniń sheshimi qıynǵa soqqaly tur.
Áıeli arqyly yqpal etýdi oılapty
BUU janyndaǵy Germanııa men Ulybrıtanııa ókilderiniń jubaılary Sırııa prezıdenti Bashar Asadtyń zaıyby Asmaǵa beıneúndeý joldap, onda «kúıeýi men onyń jaqtastaryn toqtatýǵa» shaqyrypty. Soǵysta júzdegen bala men 9 myńǵa tarta eresek jandar kóz jumǵan.
Olar óz beıneúndeýlerinde «Keıbir áıelderge ózderiniń stıli, keıbirýlerge óz halqyna degen qamqorlyq mańyzdy» dep málimdeı otyryp, Asma Asad pen qolyna balasyn ustaǵan sırııalyq áıelderdiń jaǵdaıyn kórsetken kadrlardy bergen. Asma Favaz al-Ahras Ulybrıtanııada týyp, uzaq jyldar osynda turǵan. Tek 2000 jyly Bashar Asadqa turmysqa shyǵypty.
Ultshyldar mıtıng ótkizdi
Ýkraınanyń «Svoboda» ulttyq partııasy Zaporojede Ýkraına halyqtyq respýblıkasy áskeriniń 1918 jyldyń sáýirinde qalany «qyzyl jaýlap alýshylardan» azat etýge arnalǵan saltanatty mıtıng ótkizdi.
Partııanyń jergilikti bólimshesiniń basshysy Vıtalıı Podlobnıkov atalǵan sharada sóılegen sózinde Zaporojeni jaýdan azat etý Batys pen Shyǵys Ýkraına birigýiniń mysaly boldy degendi basa aıtqan. Ultshyldardyń málimdeýinshe, osy eldiń árbir óńirinen kelgen áskerıler «kommýno-moskovskýıý ordý» dep atap ketken jaýlarynan qalany azat etipti.
Gandıdiń zattary satyldy
Anglııanyń Shropshır graftyǵynda ótken aýksıonda Mahatma Gandıge qastandyq jasalǵan jerde onyń qany tamǵan bir ýys topyraq pen shóptesin £10 myńǵa, al ol taǵyp júrgen ataqty domalaq lınzaly kózildirigi £34 myńǵa satylypty.
Mahatma Gandı 1948 jyly 30 qańtarda qulshylyq etýge barý úshin úıinen shyqqan kezde óltirilgeni belgili. Gandıdi ustazym dep qabyldaıtyn qaýym onyń aıaǵyna jyǵylmaq bolǵan sátti paıdalanǵan Nathýram Godze degen adam oǵan qaraı úsh ret oq atqan. Sol jerde Mahatma máńgilikke kóz jumǵan. Mullock’s aýksıondyq úıi ótkizgen saýdada 100 myń kolleksııa satylypty.
Eki jaq ta kelisimge múddeli
Ataqty Apple jáne Samsung kompanııalarynyń basshylary ózara patenttik daýly máselelerin sheshý úshin kezdesýge ýaǵdalasty. Qazir bul daýly másele kalıfornııalyq sotta qaralyp jatqany belgili.
Eki kompanııa da bir-birine smartfondar men planshetti kompıýterlerde paıdalanylatyn tehnologııalardy urlady degen aıyptar taǵyp, sotqa júgingen-di. О́tken jyldyń jeltoqsanynda sot AQSh aýmaǵynda Galaxy smartfondary men Samsung planshetterin satýǵa tyıym salý týraly Apple kompanııasynyń shaǵymyn qanaǵattandyrmaı tastaǵan.
Internet materıaldary negizinde ázirlendi.