Shyǵys medısınasynyń shıpasy bar

Semeıdegi jedel medısı­nalyq járdem aýrýhanasyn aralaý barysynda oblys ákiminiń orynbasary Ásem Núsipova men ob­lys­tyq densaýlyq saqtaý bas­qar­masynyń basshysy Marat Shoranov osynda Qazaqstan bo­ıyn­sha tuńǵysh ret ashylǵaly otyrǵan gıbrıdti operasııalyq zal jaıynda aıtyp berdi. Elor­dalyq dárigerlerdiń óńirge saparynyń alǵashqy kúniniń qory­tyndysynda bizdiń oblys­tyń 3 aýrýhanasy men Asta­­nadaǵy Ulttyq ǵylymı kar­dıo­hırýrgııa, Ulttyq neıro­hırýr­gııa, Travmatologııa jáne ortopedııa ǵylymı-zertteý or­ta­lyq­tarynyń basshylary yn­tymaqtastyq jónindegi memo­randýmǵa qol qoıdy. 

Oblys ákimdiginde ótken shara barysynda elimizdegi eń úzdik ǵylymı ortalyqtardyń jetekshileri óńir medısınasyna qatysty ózderiniń oılarymen, alǵan áserlerimen bó­listi. «Medısına – óte názik, kúr­deli sala. Elimizdiń barlyq aza­mat­tary sapaly medısınalyq qyz­met alýǵa qaqyly. Menińshe, medısınalyq mekemelerdi res­pýblıkalyq ortalyq, oblystyq ortalyq dep bólý durys emes. Bul keshegi keńestik zamannan qalǵan sarqynshaq dep oılaımyn. Al sizderdiń óńir medısınasyn bıik deńgeıge kóterý baǵytyndaǵy qadamdaryńyz kóńilge qýanysh uıalatady. Se­meıdegi jedel medısınalyq járdem aýrýhanasy bazasynda gıbrıdti operasııalyq zal ashpaq ekensizder. Munyń keremeti – bir­neshe baǵytty qamtıtyn ámbe­baptyǵynda, bul jerde tek kardıohırýrgııa nemese neıro­hırýrgııa emes, travma­tologııa boıynsha da operasııa jasaýǵa bolady. Mundaı operasııalyq zal Qazaqstanda ǵana emes, álemde sırek. Son­dyqtan bul qadamdaryńyz eli­miz­degi medısınalyq qyz­met kór­setýdi buryn-sońdy bol­ma­­ǵan jańa sapaǵa shyǵarady dep úmittenemin. О́skemen aýrýha­nalaryndaǵy zamanaýı me­dısınalyq qurylǵylar kó­­­­megimen barlyq operasııa túr­­­lerin jasaýǵa bolady dep senimmen aıta alamyn. Muny kór­setý kerek. Nasıhattaý qa­jet. Irgedegi Reseıdiń О́skemen­ge jaqyn qalalarynyń turǵyn­dary osynda kelip, em alsa ja­man ba?! Mundaı baǵasy qym­­bat, joǵary tehnologııaly qu­ryl­ǵylar bos turmaýy kerek, kúni-túni el ıgi­ligine jumys isteýi kerek», dedi Astanadaǵy Ult­tyq ǵylymı kar­dıohırýrgııa ortalyǵynyń dırektory Iýrıı Pıa. 

Al kezdesýde sóz alǵan Ult­tyq neırohırýrgııa ortaly­ǵynyń dırektory Serik Aqsho­laqov oblys ákimine: «Se­meıdegi jedel medısınalyq járdem aýrýhanasy bazasyn­da ashylatyn gıbrıdti opera­sııalyq zalynda alǵashqy operasııany biz jasasaq» degen tile­gin jetkizdi. Sonymen qatar alys jáne jaqyn shetelden bilikti dárigerlerdi shaqyryp, konferen­sııa ótkizsek degen usynysyn aıtty. 

Oraıy kelgende aıta keteıik, oblys ákimi Danıal Ahmetov qań­tar aıynda elordaǵa arnaıy baryp, Ulttyq ǵylymı kar­dıo­hırýrgııa, Ulttyq neırohı­rýr­gııa, Travmatologııa jáne or­to­pedııa ǵylymı-zertteý or­ta­lyq­tarynyń basshylarymen kezdesip, olardy óńir aýrýha­na­­la­rymen yntymaqtastyq orna­týǵa, fılıal­daryn ashýǵa shaqyrǵan edi. Bul sapardy sol kez­desýdiń alǵashqy nátıjeleri, úlken jumystyń basy deýge bolady. 

О́SKEMEN