«Qalamqas» ken ornyndaǵy órttiń oshaǵy sóndirildi. Bul týraly Energetıka mınıstrliginiń baspasóz hatshysy Nurlybek Jeńisbek habarlady.
«28 naýryzda 01:05-te «Qalamqas» ken ornynda №8237 uńǵyma janyndaǵy grıfonnan shyqqan órt sóndirildi», dep habarlady ol. Qazirgi tańda gaz-sý qospasy atqylap turǵan joq jáne grıfondar jabyldy.
Eske sala keteıik, 13 naýryzda Mańǵystaý aýdanyndaǵy «MańǵystaýMunaıGaz» AQ-nyń «Qalamqas» munaı-gaz ken ornynda «Sı Bý» ınjenerlik burǵylaý kompanııasy» JShS №8237 uńǵymasyn burǵylaý barysynda gaz-sý qospasy atqylady. Al 25 naýryz kúni saǵat 07:10-da Mańǵystaý oblystyq TJD kezekshi-dıspetcherlik qyzmetine «Qalamqas» ken ornyndaǵy uńǵymadan shyqqan gaz janyp, bıikti 10 metrge deıin jalyn atqylap turǵandyǵy habarlandy.