Almatylyq bastaýysh partııa uıymdary Astananyń Nur-Sultan atalýyn qoldady.Bul týraly «Hur Otan» partııasynyń 200 jýyq bastaýysh partııa uıymdarynyń Forýmyna qatysýshylar biraýyzdan málimdedi. Sóz sóıleýshiler Nursultan Nazarbaevtyń Tuńǵysh Prezıdent, «Hur Otan» partııasynyń Tóraǵasy retinde Táýelsiz Qazaqstandy álemge tanytqan aıryqsha eńbegi men halyqaralyq deńgeıdegi bıik mártebesi týraly oı qozǵap, óz pikirlerin bildirdi.
Qazaqstannyń Eńbek Eri tanymal ustaz Aıagúl Mırazova Nursultan Nazarbaevqa Halyq Qaharmany ataǵy men «Altyn Juldyz» belgisiniń tabystalýyn memleket pen halyq qurmetiniń kórinisi retinde baǵalap, bas qalamyz Astanaǵa Elbasynyń esimi berilýin tarıhı ádilettiliktiń saltanat qurýy dep atap ótti.
– О́zim kýá bolǵandaı, ásirese, ásirese ustazdar qaýymy elimizde yrys pen yntymaqtyń altyn besigine aınaldyrǵan Tuńǵysh Prezıtentimiz, Elbasy esiminiń Uly Dala tósinde ózi ornatqan shaharǵa berilýin óte oryndy sheshim dep qýanyshtaryn bildirýde. Shynynda da bas qalamyzdy Nur –Sultan dep ataý jarasymdy,- dedi Aıagúl Mırazova.
Almaty qalalyq fılıal tóraǵasynyń birinshi orynbasary Stanıslav Kankýrov myń boıaýly qalanyń eń ortalyq kósheni «N.Nazarbaev dańǵyly» dep byltyr ataǵanyn eske aldy.
Bul jıynda qatysyp, sóz sóılegen AQF Saıası keńesiniń múshesi Bolat Erjanov, №102 orta mekteptiń dırektory Danagúl Kerjekeeva, «Almaty aqshamy» gazetiniń Bas redaktory Qalı Sársenbaı, «Bolashaq» qaýymdastyǵynyń qalalyq fılıalynyń jetekshisi Qymbat Ábdikerimova belgilengen is-sharalardyń barlyǵy Partııa Tóraǵasy N.Á. Nazarbaevtyń Joldaýlary men tapsyrmalary aıasynda kezeń-kezeńimen júzege asyryla beretinin málimdedi.
Forým sońynda Memleket basshysynyń Astanany Nur-Sultan dep ataý týraly sheshimin qoldaý týraly Úndeý qabyldady
Saparbaı PARMANQUL,
«Egemen Qazaqstan»
ALMATY